متحدہ عرب امارات نے مہلک کرونا وائرس سے بچاؤ کی غرض سے دنیا کے مصروف ترین ہوائی اڈوں میں سے ایک دبئی بین الاقوامی ائیرپورٹ سے ایران کے لیے تمام پروازیں ایک ہفتے تک منسوخ کرنے کا اعلان کیا ہے۔
ہوائی اڈے نے منگل کے روز ایک بیان میں کہا ہے کہ ایران کے دارالحکومت تہران کے سوا باقی شہروں سے آنے اور وہاں جانے والی تمام پروازیں ایک ہفتے کے لیے منسوخ کرنے کا فیصلہ کیا گیا ہے۔
اس نے مزید کہا ہے کہ تہران سے براہ راست پروازوں کے ذریعے آنے والے تمام مسافروں کا ہوائی اڈے پر جسمانی درجہ حرارت چیک کیا جائے گا اور ان کی تھرمل سکریننگ کی جائے گی۔
اس بیان سے چندے قبل ہی بحرین نے دبئی اور شارجہ سے آنے والی پروازوں پر48 گھنٹے کے لیے پابندی لگا دی ہے۔ اس نے یہ فیصلہ کرونا وائرس پھیلنے کے خدشے کے پیش نظر کیا ہے۔
