فرانس میں کرونا وائرس کا شکار ایک اور شخص جان کی بازی ہار گیا ہے۔فرانسیسی محکمہ صحت کے حکام نے بدھ کو اس دوسری ہلاکت کی تصدیق کی ہے۔
محکمہ صحت کے سینیر ڈائریکٹر جیروم سالومن نے ٹیلی ویژن سے نشر کیے گئے ایک بیان میں کہا ہے کہ اس ساٹھ سالہ فرانسیسی شخص کے منگل کی شام کرونا وائرس کے ٹیسٹ مثبت آئے تھے۔ وہ پیرس کے ایک اسپتال میں زیر علاج تھا اور اس کی حالت تشویش ناک تھی۔
انھوں نے مزید بتایا ہےکہ بدقسمتی سے یہ شخص رات کے وقت جان کی بازی ہار گیا تھا۔ مُتَوَفّیٰ فرانس میں کرونا وائرس کے نئے تشخیص شدہ تین مریضوں میں سے ایک تھا۔واضح رہے کہ فرانس میں اب تک سترہ افراد کے مہلک کرونا وائرس کا شکار ہونے کی تصدیق ہوچکی ہے۔
