تیونس میں دہشت گردی کے واقعے پر سعودی عرب کی جانب سے مذمت

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی وزارت خارجہ کی جانب سے جاری ایک بیان میں کہا گیا ہے کہ تیونس کے دارالحکومت میں امریکی سفارت خانے کے نزدیک سیکورٹی دستے کو دہشت گرد حملے کا نشانہ بنانا انتہائی قابل مذمت عمل ہے۔

تیونس سٹی میں ہونے والے دھماکے میں ایک سیکورٹی اہل کار ہلاک اور متعدد زخمی ہو گئے تھے۔

وزارت خارجہ کے بیان میں سعودی عرب کے اس موقف کو دہرایا گیا ہے کہ مملکت ہر طرح کی شدت پسندی، تشدد اور دہشت گردی کو مسترد کرتی ہے۔ بیان کے مطابق سعودی عرب اس موقع پر برادر ملک تیونس کے ساتھ کھڑا ہے اور اس کو عدم استحکام سے دوچار کرنے کی کوششوں پر روک لگانے کے اقدامات کی حمایت کرتا ہے۔

بیان میں تیونس کے برادر عوام اور حکومت کے لیے تعزیت پیش کی گئی اور زخمیوں کی جلد صحت یابی کے لیے نیک تمناؤں کا اظہار بھی کیا گیا۔

مقبول خبریں اہم خبریں