کرونا وائرس کا خطرہ: علی خامنہ ای کی ایران کے سالِ نو پر تقریر منسوخ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ایران کے سپریم لیڈر آیت اللہ علی خامنہ ای نے ملک بھر میں کرونا وائرس سے ہلاکتوں کے پیش نظر فارسی سالِ نوکے آغاز پر کی جانے والی اپنی تقریر منسوخ کردی ہے جبکہ اس مہلک وائرس سے متاثرین کی تعداد میں مسلسل اضافہ ہورہا ہے۔

ان کے دفتر نے سوموار کو ایک بیان میں کہا ہے کہ’’ ہر سال امام رضا کے مزار پر سالِ نو کے آغاز پر منعقد ہونے والی تقریب اس مرتبہ منسوخ کردی گئی ہے۔رہبرِ اعلیٰ اس سے خطاب نہیں کریں گے اور وہ مشہد بھی نہیں جائیں گے‘‘۔

دریں اثناء ایران کی وزارت صحت کے ترجمان کیانوش جہان پور نے سرکاری ٹی وی پر کرونا وائرس سے ہلاکتوں اور متاثرین کے نئے اعداد و شمار جاری کیے ہیں۔ان کے مطابق اس مہلک وائرس کا شکار ہوکر مرنے والوں کی تعداد 237 ہوگئی ہے اور 7161 افراد متاثر ہوئے ہیں۔

گذشتہ 24 گھنٹے میں ایران میں چین سے پھیلنے والے اس وائرس سے 43 اموات ہوئی ہیں اور 595 نئے کیس ریکارڈ کیے گئے ہیں۔چین سے باہر کسی ملک میں کرونا وائرس سے یہ سب سے زیادہ ہلاکتیں ہیں۔

ایرانی عدلیہ کے سربراہ ابراہیم رئیسی کا کہنا ہے کہ کرونا وائرس سے درپیش خطرے کے پیش نظر ملک کی مختلف جیلوں سے قریباً 70 ہزار قیدیوں کو رہا کردیا گیا ہے۔

مقبول خبریں اہم خبریں

مقبول خبریں