مسجد الحرام اور مسجد نبوی کی جنرل پریذیڈنسی کے سربراہ ڈاکٹر عبدالرحمن السدیس نے کرونا وائرس کے پھیلاﺅ کو روکنے اور اس سے بچاﺅ کے لیے مسجد الحرام خصوصاً حجر اسود پر جراثیم کش ادویہ کے سپرے میں بذات خود حصہ لیا ہے۔ اس کی وڈیو سوشل میڈیا پر وائرل ہوگئی۔
سعودی خبررساں کے مطابق مسجد الحرام کی انتظامیہ نے زائرین کو کرونا وائرس سے بچانے کے لیے خصوصی ٹیمیں تشکیل دی ہوئی ہیں۔ یہ ٹیمیں نماز عشاء کے ایک گھنٹے بعد سے لے کر نماز فجر سے ایک گھنٹے قبل تک حرم شریف کے ایک ایک حصے کی دھلائی، صفائی کا کام کر رہی ہیں۔
مسجد الحرام کی انتظامیہ نے اس حوالے سے اپنے نئے بیان میں بتایا ہے کہ ’ڈاکٹر السدیس صفائی ٹیموں کا حوصلہ بڑھانے کے لیے خانہ کعبہ اور اس کے اطراف صحن مطاف، حجر اسود، رکن یمانی اور مقام ابراہیم کی صفائی میں شریک ہوئے‘۔ انہوں نے احتیاطی تدبیر کے طور پر جراثیم کش ادویہ کے چھڑکاﺅ، حرم کے فرش کی دھلائی کے کام بھی کیے۔
رئيس شؤون الحرمين الشيخ عبدالرحمن السديس يشارك في تطهير وتعقيم المسجد الحرام في #مكة، بعد الإجراءات الاحترازية للوقاية من #كورونا pic.twitter.com/EzmyYf77pI
— العربية السعودية (@AlArabiya_KSA) March 10, 2020
ڈاکٹر السدیس نے اس موقع پر گفتگو کرتے ہوئے کہا کہ "مسجد الحرام میں احتیاطی تدابیر صفائی، جراثیم کش ادویہ کا سپرے زائرین کو کرونا وائرس سے بچانے اور ان کی صحت و سلامتی کو یقینی بنانے کی خاطر اللہ کی رضا کے لیے کیا جا رہا ہے. یہ کام اعزاز کا ہے۔ یہ کام فخر کا ہے۔ اس کام کی بدولت اللہ تعالیٰ کے مہمانوں کی حفاظت ہوگی۔ اس کی بدولت وہ ممکنہ تکلیف سے محفوظ رہیں گے۔ اس پر اللہ تعالیٰ بڑے اجر سے نوازے گا۔"
-
کرونا وائرس:سعودی عرب میں پانچ لاکھ سے زیادہ مسافروں کی سکریننگ ، سیکڑوں طبّی تنہائی میں!
سعودی عرب میں گذشتہ چند روز کے دوران میں کرونا وائرس کا شکار افراد کا پتا چلانے کے لیے پانچ لاکھ سے زیادہ مسافروں کی سکریننگ کی گئی ہے۔اس طبی معائنے ... بين الاقوامى -
کرونا وائرس کے مریض اور اس کے اہل خانہ کے لیے خصوصی ہدایات
دنیا بھر میں کرونا وائرس کے پھیلاؤ میں روز بروز اضافہ ہوتا جا رہا ہے۔ تازہ ترین اعداد و شمار کے مطابق اب تک عالمی سطح پر کرونا کے سبب وفات پانے والے ... ایڈیٹر کی پسند -
یورپ میں امریکی فوج کے کمانڈر کے کرونا وائرس میں مبتلا ہونے کا گمان
امریکی فوج کے اعلان کے مطابق یورپ میں امریکی فوج کا کمانڈر اور متعدد اہل کار ممکنہ طور پر کچھ عرصہ قبل منعقد ہونے والی ایک پریس کانفرنس کے دوران کرونا ... بين الاقوامى