.

امریکی نائب صدر مائیک پینس کے دفتر کا ایک عہدہ دار کرونا میں مبتلا

پہلی اشاعت: آخری اپ ڈیٹ:

امریکی حکام کا کہنا ہے کہ نائب صدر مائیک پینس کے دفتر کا ایک عہدہدار کے کرونا وائرس کا شکار ہوگیا ہے۔ نائب صدر کی ترجمان کیٹی میلر نے ایک بیان میں بتایا کہ متاثرہ عہدہ دار نائب صدر کے ساتھ مسلسل رابطے میں اور ان کے قریب رہا ہے۔

خیال رہے کہ امریکی صدر ڈونلڈ ٹرمپ نے ملک میں کرونا کی وبا کی روک تھام کی ذمہ داری نائب صدر مائیک پینس کو سونپی ہے۔

گذشتہ روز صدر ٹرمپ نے کرونا وائرس کے تریاق کی دوا دستیاب ہونے کی تردید کی اور کہا کہ فی الحال ایسی کوئی دوا تیار نہیں کی گئی۔ جمعرات کے روز امریکی فوڈ اینڈ ڈرگ ایڈمنسٹریشن نے کہا تھا کہ ملیریا علاج کے لیے استعمال کی جانے والی دوا کلورو کوین کو 'کوویڈ 19' کے علاج اور اس کی روک تھام کے لیے استعمال کرنے پر اتفاق کیا گیا ہے۔