سعودی عرب کی میزبانی میں اتوار کو دنیا کی بیس بڑی معیشتوں پر مشتمل گروپ کے وزرائے صحت کا اجلاس ہورہا ہے۔
سعودی عرب کے سرکاری ٹیلی ویژن کے مطابق اس اجلاس میں کرونا وائرس کی وبا سے نمٹنے کے لیے مشترکہ ردعمل پر غور کیا جارہا ہے۔
اس ورچوئل اجلاس میں اسپین ، سنگاپور ، اردن اور سوئٹزرلینڈ کے لیڈروں کے علاوہ بین الاقوامی اور علاقائی تنظیموں کے عہدے دار بھی شرکت کررہے ہیں۔ان میں عالمی ادارہ صحت ( ڈبلیو ایچ او) اور عالمی بنک کے نمایندے بھی شامل ہیں۔
واضح رہے کہ سعودی عرب اس سال جی 20 کا صدر ملک ہے۔
