سعودی عرب میں گذشتہ 24 گھنٹے میں کرونا وائرس کا شکار مزید سات افراد جان کی بازی ہار گئے ہیں اور 1158 نئے کیسوں کی تصدیق ہوئی ہے۔مملکت میں اب اس مہلک وَبا کا شکار ہونے والے افراد کی تعداد 13930 ہوگئی ہے۔
سعودی وزارت صحت کے ترجمان ڈاکٹر محمد العبد العالی نے جمعرات کو اپنی نیوز بریفنگ میں بتایا ہے کہ مملکت میں کرونا وائرس سے مرنے والوں کی تعداد 121 ہوگئی ہے۔
انھوں نے مزید بتایا ہے کہ نئے متوفیوں میں ایک 69 سالہ سعودی خاتون ہیں۔ان کی جدہ میں وفات ہوئی ہے۔ باقی چھے افراد غیر سعودی ہیں۔ وہ جدہ اور مکہ مکرمہ میں رہ رہے تھے۔ان کی عمریں 23 سے 67 سال کے درمیان تھیں اور ان میں بیشتر پہلے ہی مختلف دائمی امراض کا شکار تھے۔
نئے تشخیص شدہ کیسوں میں 15 فی صد سعودی اور 85 فی صد غیر سعودی مکین ہیں۔مدینہ منورہ میں 293 نئے کیسوں کی تشخیص ہوئی ہے، 209 کیسوں کا تعلق مکہ مکرمہ ، 208 کا جدہ اور 157 کا دارالحکومت الریاض سے ہے۔باقی مریضوں کا تعلق سعودی عرب کے دوسرے شہروں اور صوبوں سے ہے۔
ڈاکٹر محمد العبد العالی کا کہنا ہے کہ آنے والے دنوں میں کرونا وائرس کےمریضوں کی تعداد میں اضافہ جاری رہے گا کیونکہ اس وقت پورے ملک میں برسرزمین طبی ٹیمیں لوگوں کے ٹیسٹ کررہی ہیں اور فیلڈ ٹیسٹنگ پروگراموں کا دائرہ کار پھیلا دیا گیا ہے۔
#الصحة تعلن عن تسجيل (1158) حالة إصابة جديدة بفيروس #كورونا الجديد (كوفيد19)، وتسجيل (7) حالات وفيات رحمهم الله، وتسجيل (113) حالة تعافي ليصبح إجمالي عدد الحالات المتعافية (1925) حالة ولله الحمد. pic.twitter.com/MCzCrHl2BV
— و ز ا ر ة ا لـ صـ حـ ة السعودية (@SaudiMOH) April 23, 2020
سعودی عرب کے وزیر صحت توفیق الربیعہ نے بھی کرونا وائرس کے کیسوں کی تعداد میں بتدریج اضافے کا یہی سبب بیان کیا ہے اور کہا ہے فیلڈ ٹیسٹنگ ٹیموں کے ذریعے اس مہلک وائرس کا شکار ہونے والے افراد کا سراغ لگایا جارہا ہے۔
میڈیکل ٹیمیں گذشتہ جمعہ سے ملک بھر میں لوگوں کی سکریننگ کررہی ہیں تاکہ کرونا کی علامات کے حامل افراد کی جلد اور بروقت تشخیص کرکے ان کا علاج شروع کیا جاسکے اور اس مہلک وائرس کو مزید پھیلنے سے روکا جاسکے۔
We are conducting mass surveillance of COVID19, to proactively increase efforts to reach populations within neighborhoods and individuals in their homes. We’ve also expanded the drive-through testing, to identify cases early on, thereby minimizing the need for hospitalization. pic.twitter.com/xrwRz90htS
— توفيق الربيعة (@tfrabiah) April 17, 2020
توفیق الربیعہ نے کہا ؛’’ہم ایسے افراد کا انتظار کیے بغیر ہی ٹیسٹ کررہے ہیں جو ہمیں آ کر یہ بتائیں کہ وہ کسی کے چھونے سے اس مہلک وائرس کا شکار ہوگئے ہیں اور اب انھیں الگ تھلگ کرنے کی ضرورت ہے۔ہم ان علاقوں میں جارہے ہیں جہاں ہمیں شُبہ ہے کہ وہاں بہت زیادہ کیس ہو سکتے ہیں۔ہم گھروں ،اقامتی کمپلیکسوں اور کالونیوں میں جا رہے ہیں تاکہ ہم وہاں مقیم لوگوں کے حکام کے پاس آنے سے قبل ہی کرونا کے کیسوں کا سراغ لگایا جاسکے۔‘‘
واضح رہے کہ سعودی عرب میں اب تک کرونا وائرس کا شکار 1925 افراد صحت یاب ہوچکے ہیں۔
