.

امریکی سپریم کورٹ کا ہجرت سے متعلق ٹرمپ کے فیصلے کو معطل کرنے سے انکار

پہلی اشاعت: آخری اپ ڈیٹ:

امریکا میں جمعے کے روز سپریم کورٹ نے نیویارک اور دو دیگر ریاستوں کی جانب سے کرونا وائرس کی وبا کے دوران مہاجرین سے متعلق صدر ڈونلڈ ٹرمپ کی پالیسی کو معطل کرنے کی کوشش مسترد کر دی۔

ٹرمپ کی مذکورہ پالیسی ایسے مہاجرین کو مستقل قانونی رہائش پیش کرنے پر پابندی عائد کرتی ہے جو امریکی انتظامیہ کے غالب گمان کے مطابق مستقبل میں حکومتی مدد کے محتاج ہو سکتے ہیں۔ امریکی سپریم کورٹ نے اس سلسلے میں نیویارک، کونیٹیکٹ اور ویرماؤنٹ ریاستوں کی درخواست خارج کر دی۔

مذکورہ ریاستوں کا کہنا ہے کہ یہ اقدام کرونا وائرس کے پھیلاؤ کی روک تھام کی کوششوں میں رکاوٹ بنے گا۔ اس لیے کہ مہاجرین طبی نگہداشت اور عمومی خصوصیات کے حصول سے محروم رہیں گے جو لوگوں کے تحفظ کے بنیادی آلات کار ہیں۔

ہجرت کے حقوق کا دفاع کرنے والوں کی جانب سے ہجرت کے قانون پر کڑی تنقید کی جا رہی ہے۔ ان کے مطابق یہ قانون غیر سفید فام مہاجرین کو غیر متوازن تناسب کے ساتھ بے دخل کر دے گا۔

ٹرمپ نے 22 اپریل کو اعلان کیا تھا کہ ملک میں ملازمتوں کے تحفظ کے واسطے 60 روز کی عارضی مدت کے لیے امریکا ہجرت کو معطل کیا جا رہا ہے۔ امریکی صدر نے یہ بات ٹویٹ میں کہی تھی۔