سعودی عرب میں کرونا وائرس کے کیسوں کی تعداد میں مسلسل اضافہ ہورہا ہے اور سوموار کو مزید 1289 نئے کیسوں کی تشخیص ہوئی ہے۔ یہ اب تک ایک دن میں اس مہلک وائرس سے متاثرہ افراد کی سب سے زیادہ تعداد ہے۔
سعودی وزارت صحت کے ترجمان ڈاکٹر محمد العبد العالی نے کرونا وائرس سے پانچ نئی اموات کی بھی تصدیق کی ہے جس کے بعد اب تک وفات پانے والوں کی تعداد 144 ہوگئی ہے۔
انھوں نے سوموار کو نیوز بریفنگ میں بتایا ہے کہ جدہ میں 294 ، مکہ مکرمہ میں 218 ، مدینہ منورہ میں 202 ، الریاض میں 178،بیش میں 126 اور الجبیل میں 107 نئے کیسوں کی تشخیص ہوئی ہے۔باقی کیس الخبر ، الدمام ، الہفوف اور دوسرے شہروں اور صوبوں میں ریکارڈ کیے گئے ہیں۔
#الصحة تعلن عن تسجيل (1289) حالة إصابة جديدة بفيروس #كورونا الجديد (كوفيد19)، وتسجيل (5) حالات وفيات رحمهم الله، وتسجيل (174) حالة تعافي ليصبح إجمالي عدد الحالات المتعافية (2531) حالة ولله الحمد. pic.twitter.com/VgddgGCOfI
— و ز ا ر ة ا لـ صـ حـ ة السعودية (@SaudiMOH) April 27, 2020
سعودی عرب کی وزارت صحت نے گذشتہ دو ہفتے کے دوران میں کرونا وائرس کا شکار مریضوں کا سراغ لگانے کے لیے فیلڈ ٹیسٹنگ کا عمل تیز کردیا ہے اوربڑے شہروں کے گنجان آباد علاقوں میں گھر گھر جا کر ٹیسٹ کیے جارہے ہیں جس کی وجہ سے کرونا کے کیسوں کی تعداد میں مسلسل اضافہ ہوتاجارہا ہے۔
ڈاکٹر محمد العبدالعالی نے بتایا ہے کہ ملک کے مختلف علاقوں میں اب تک قریباً 10 لاکھ افراد کے کرونا وائرس کے ٹیسٹ کیے گئے ہیں۔ان میں 18811 کے نتائج مثبت آئے ہیں۔ان میں بھی 2531 صحت یاب ہوچکے ہیں اور باقی اسپتالوں یا طبی مراکز میں زیرعلاج ہیں یا انھیں گھروں میں یا قرنطینہ مراکز میں رکھا جارہا ہے۔
