ایران: صوبہ کردستان میں جھڑپ میں سپاہِ پاسداران انقلاب کا کمانڈراور دو اہلکار ہلاک

ایران کے صوبہ کردستان میں سپاہِ پاسداران انقلاب کے کمانڈر شکیبہ سلیمی اور ان کے دو ساتھی اہلکار انقلاب مخالف ایک گروپ کے ساتھ جھڑپ میں ہلاک ہوگئے ہیں۔

ایران کی نیم سرکاری خبررساں ایجنسی فارس کے مطابق شکیبہ سلیمی کردستان میں پاسداران انقلاب کے بیت المقدس بریگیڈ کے کمانڈر تھے۔یہ بریگیڈ ’حمزہ سیّد الشہداء ہیڈ کوارٹر‘کا حصہ ہے اور اس کوایران کے مغربی اور شمال مغربی علاقوں میں نظام مخالف جنگجوؤں کی سرکوبی کی ذمے داری سونپی گئی ہے۔

فارس نے یہ نہیں بتایا ہے کہ پاسداران انقلاب کے ان اہلکاروں کی کس حکومت مخالف باغی گروپ سے جھڑپ ہوئی ہے۔واضح رہے کہ ایرانی نظام اور اس کا میڈیا حزب اختلاف کے لیے ’’ انقلاب مخالف‘‘ کی اصطلاح استعمال کرتا ہے۔