جارج فلائیڈ ویڈیو نے صدمہ پہنچایا، پولیس ایسے واقعات کا تدارک کرے: ٹرمپ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

جمعہ کے روز امریکی صدر ڈونلڈ ٹرمپ نے امریکی شہری جارج فلائیڈ کی گلا گھونٹنے کی ویڈیو کے بارے میں بات کرتے ہوئے پولیس پر زور دیا کہ وہ آئندہ اس طرح کے پرتشدد حربے استعمال کرنے پر پابندی لگائے۔ ان کا کہنا تھا کہ جارج فلائیڈ کے گلا گھونٹ کر مارنے کی ویڈیو نے مجھے بھی خوف زدہ کیا۔ ایسے واقعات دوبارہ نہیں ہونے چاہئیں۔

خیال رہے کہ گذشتہ ہفتے امریکا میں منیاپولس شہر میں پولیس ایک سیاہ فام شخص جارج فلائیڈ کوگرفتار کرنے کے بعد ہلاک کر دیا تھا۔

اس پر امریکی صدر نے کہا کہ جارج فلائیڈ کا گلا گھونٹنے کے ویڈیو نے مجھے 8 منٹ کی دہشت اور شرمندی کی کیفیت سے دوچار کیا۔ میں سوچتا رہا کہ امریکی پولیس ایسا کیسے کرسکتی ہے۔

انہوں نے "فاکس نیوز" چینل کو انٹرویو دیتے ہوئے کہا کہ میں زیادہ تر معاملات میں پولیس کی جانب سے ملزمان کا گلا گھونٹ کر انہیں سبق سکھانے کے طریقہ کار کا مخال ہوں البتہ کچھ کیسزمیں یہ طریقہ قابل فہم ہے۔

انہوں نےمزید کہا مجھے گلا گھونٹنے کا طریقہ پسند نہیں ہے لیکن کبھی کبھی اگر آپ تنہا ہوتے ہیں اور ان میں سے کسی سے جھگڑا کرتے ہیں تو یہ مشکل ہے۔ اگر یہ کوئی اچھا طریقہ ہے تب بھی مجھے لگتا ہے کہ اس کا خاتمہ ضروری ہے۔

مقبول خبریں اہم خبریں