سعودی عرب میں کرونا وائرس کے کیسز میں بہ تدریج کمی

سعودی عرب میں وزارت صحت کے مطابق گذشتہ دو روز میں کرونا کے کیسز میں بہ تدریج کمی دیکھی جا رہی ہے۔ وزارت صحت کے مطابق گذشتہ چوبیس گھںٹوں کے دوران مملکت میں کرونا کے 4301 کیسز سامنے آئے جب کہ جمعرات کو 4757 اور بدھ کو 4919 کیسز کا اندراج کیا گیا تھا۔

سعودی عرب کی وزارت صحت کے مطابق مملکت میں کرونا کے کل متاثرہ کیسوں کی تعداد 1 لاکھ 50 ہزار 292 ہوگئی ہے ہے۔ ان میں سے 53 ہزار 344 کی حالت خطرے سے باہر ہے جب کہ 1941 مریضوں کی حالت خطرے میں ہے۔

بیان میں کہا گیا ہے کہ گذشتہ چوبیس گھںٹوں کےدوران کرنا کے 45 مریض دم توڑ گئے جب کہ جمعرات کے روز 48 مریض وفات پاگئے تھے۔ سعودی عرب میں اب تک کرونا سے مجموعی طورپر 1184 مریض ہلاک ہوچکے ہیں۔

سعودی عرب کی وزارت صحت کے ترجمان ڈاکٹر محمد العبد العالی نے ایک پریس کانفرنس میں کہا کہ کرونا کی وبا کسی بھی جغرافیائی خطے میں تیزی کےساتھ پھیل سکتی ہے، اس کے نتیجے میں ہلاکتوں کی تعداد میں اضافے کا خدشہ ہے اور بہت زیادہ لوگوں کی زندگی خطرے میں پڑ سکتی ہے۔ ترجمان کا کہنا تھا کہ سعودی عرب میں کرونا کےیہلے کیسز کام کی جگہوں پر ماسک نہ پہننے اور آپس میں فاصلہ نہ رکھنے کے نتیجے میں پھیلا۔