امریکی انٹیلی جنس کو یہ یقین ہو گیا ہے کہ روس نے افغان طالبان کے مقرب جنگجوؤں کو خفیہ طور پر مالی رقوم ادا کیں جس کا مقصد یہ تھا کہ وہ افغانستان میں امریکی فوجیوں یا نیٹو کی فوج کے اہل کاروں کو ہلاک کریں۔ یہ بات جمعے کے روز امریکی اخبار نیویارک ٹائمز کی رپورٹ میں بتائی گئی۔
اخبار کے مطابق امریکی انٹیلی جنس اس نتیجے پر کئی ماہ قبل پہنچ گئی تھی جب کہ طالبان تحریک واشنگٹن کے ساتھ تاریخی مذاکرات میں مصروف تھی۔
رواں سال 29 فروری کو امریکی انتظامیہ اور طالبان تحریک نے ایک تاریخی معاہدے پر دستخط کیے تھے۔ اس معاہدے کی رُو سے افغانستان سے امریکی افواج کا تدریجی انخلا عمل میں آنا تھا اور اس کے علاوہ باغیوں اور کابل حکومت کے درمیان امن مذاکرات بھی ہونے تھے۔
نیویارک ٹائمز کے مطابق روسی فوجی انٹیلی جنس کے ایک یونٹ نے افغان طالبان کے قریبی جنگجوؤں اور جرائم پیشہ افراد میں مالی رقوم تقسیم کیں۔
اخبار نے نام ذکر کیے بغیر بعض ذمے داران کے حوالے سے بتایا ہے کہ امریکی صدر ڈونلڈ ٹرمپ نے ان معلومات سے آگاہ ہونے کے بعد رواں سال مارچ میں اس معاملے پر اپنے قومی سلامتی کے مشیران کے ساتھ گفتگو کی۔
مزید یہ کہ امریکی انتظامیہ نے کچھ عرصہ قبل برطانیہ کو بھی اس معلومات میں شریک کیا۔ افغانستان میں برطانوی فوجی بھی مذکورہ مالی رقوم سے متعلق پروگرام کے ضمن میں امریکی فوجیوں کی طرح نشانہ بنائے جانے کا ہدف تھے۔
اخبار کے ذرائع کے مطابق اس سلسلے میں وائٹ ہاؤس کے سامنے کئی آپشن پیش کیے گئے۔ ان میں ماسکو کے سامنے سرکاری طور پر سفارتی سطح پر احتجاج، روس پر پابندیاں عائد کرنا اور دیگر انتقامی کارروائیوں کے ذریعے ماسکو کو نشانہ بنانا شامل تھا۔ تاہم آج تک اس حوالے سے کوئی فیصلہ نہیں کیا گیا۔
اگر امریکی اخبار میں سامنے آنے والی معلومات درست ہیں تو یہ معاملہ ماسکو کی جانب سے حقیقی بڑھوتی کی غمازی کرتا ہے۔
نیویارک ٹائمز نے کرملن ہاؤس کے حوالے سے مختصرا بتایا کہ روس کا کہنا ہے کہ امریکا کی جانب سے اسے مذکورہ الزامات موصول نہیں ہوئے ہیں۔
-
کابل حکومت کا خطرناک طالبان قیدیوں کو رہا نہ کرنے کا فیصلہ
افغانستان کی حکومت نے جیلوں میں قید انتہائی خطرناک نوعیت کے طالبان جنگجوئوں کو رہا نہ کرنے اعلان کیا ہے۔ دوسری طرف مغربی حکومتوں نے افغان حکومت کی اس ... بين الاقوامى -
امن معاہدے کے بعد امریکا کے طالبان پرپہلی بار فضائی حملے
جمعہ کے روز افغانستان میں تعینات امریکی فوج نے اعلان کیا ہے کہ اس نے طالبان کے حملوں کو ناکام بنانے کے لیے دو فضائی حملے کیے ہیں۔ امریکی افواج کے ... بين الاقوامى -
دوحہ معاہدے کے باوجود طالبان اور القاعدہ کے درمیان قریبی روابط ہیں : اقوام متحدہ
قطر کی سرپرستی میں طے پائے جانے والے معاہدے کے باوجود افغان طالبان تحریک ابھی تک القاعدہ تنظیم کے ساتھ گہرے اور قریبی روابط رکھتی ہے۔ اس بات کا انکشاف ... بين الاقوامى