مسلح شخص جسٹن ٹروڈو کی رہائش گاہ کے قریب کیا کر رہا تھا؟

پہلی اشاعت: آخری اپ ڈیٹ:
مطالعہ موڈ چلائیں
100% Font Size

کینیڈا میں پولیس نے اوٹاوا کے انتہائی حساس علاقے میں داخل ہونے اور وزیراعظم جسٹن ٹروڈو کی رہائش تک پہنچنے والے ایک مسلح شخص کو جمعرات کی صبح گرفتار کیا ہے۔ کینیڈین حکام کے مطابق ٹروڈو اس وقت اپنی رہائش گاہ میں موجود نہیں تھے۔

جسٹن ٹروڈو اور ان کا اہل وعیال رائڈو ہال کمپلیکس کے اندر ایک بڑے گھر میں رہتا ہے، جو گورنر جنرل جولی پائیت کی مرکزی رہائش گاہ، ملکہ الزبتھ کے سرکاری نمائندے ہیں۔ رائڈو ہال کا رقبہ 88 ایکڑ ہے۔

Advertisement

پولیس نے اپنے ٹویٹر اکاؤنٹ پر بتایا کہ ایک مسلح شخص کمپاؤنڈ میں داخل ہونے میں کامیاب ہوا۔ حادثے کے وقت نہ تو وزیر اعظم اور نہ ہی گورنر جنرل اس کے اندر موجود تھے۔

انہوں نے مزید کہا کہ اس شخص کو بغیر کسی مزاحمت کے گرفتار کرلیا گیا اور اب وہ حراست میں ہے اور اس سے تفتیش کی جا رہی ہے۔

کینیڈا کی پولیس نے اعلان کیا کہ رائڈو ہال میں صورتحال قابو میں ہے اور محفوظ ہے۔ العربیہ کے نامہ نگار نے بتایا کہ کینیڈا کی پولیس نے سکیورٹی واقعے کی نوعیت کی وضاحت نہیں کی۔

مقبول خبریں اہم خبریں