امریکا کی ایک عدالت نے 25 سال پیشتر سعودی عرب کے الخبر شہر میں الخبر ٹاورمیں ہونے والے بم دھماکوں کی ذمہ داری ایران پر عاید کی ہے۔ ان دھماکوں میں 19 امریکی فوجی ہلاک اور سیکڑوں زخمی ہوگئے تھے۔ امریکی عدالت کے فیصلے کے مطابق اس دہشت گردانہ کارروائی کو ایران کے ایما پر سعودی حزب اللہ نے انجام دیا۔ عدالت نے ایران پر الخبر ٹاور میں ہونے والی دہشت گردی کے متاثرین کو 900 ملین ڈالر ہرجانہ ادا کرنے کا بھی حکم دیا ہے۔
واشنگٹن ڈی سی سے امریکی ڈسٹرکٹ کورٹ کے صدر بیرل ہول نے گذشتہ ہفتے الخبر میں ہونے والی دہشت گردی کے بمباروں، منصوبہ سازوں اور معاونین (جو ایران اور اس کے دہشت گرد بازو ہیں) کو 14 پائلٹوں اور ان کے خاندان کے 41 افراد کو 819،120،000 ڈالر ادا کرنے کی سزا سنائی تھی۔ یہ تمام افراد مشرقی سعودی عرب میں پچیس سال قبل ہونے والی دہشت گردی کے متاثرین ہیں اور آج تک ان ہولناک واقعے کے اثرات سے باہر نہیں آسکے۔
ایئر فورس ٹائمز ملٹری ویب سائٹ کے مطابق متاثرین کے وکیل نے کہا کہ امریکی عدالت کا فیصلہ فضائیہ میں ان بہادر جنگجوؤں اور ان کے اہل خانہ کو انصاف کی فراہمی کا ذریعہ بن سکتا ہے
انہوں نے یہ بھی مزید کہا الخبر ٹاورز حملے کے پچیس سال گذرنے کے بعد متاثرین کے لیے منصفانہ فیصلہ کیا گیا ہے۔ ہمیں متاثرین کے حقوق کے لیے طویل جدو جہد کرنا پڑی مگر ہمیں اس میدان میں مایوسی نہیں ہوئی۔ آج ہم اپنے مشن میں کامیاب ہوگئے ہیں۔
-
عرب اتحاد نے ایران کے حمایت یافتہ حوثیوں کی دو بم کشتیاں تباہ کردیں
عرب اتحاد نے ایران کی حمایت یافتہ حوثی ملیشیا کی بموں سے لدی دو کشتیاں تباہ کردی ہیں۔ سعودی پریس ایجنسی نے جمعرات کو جاری کردہ ایک بیان میں بتایا ہے ... بين الاقوامى -
ہم نے ایران سے حوثیوں کےلیے آئے اسلحہ بردار جہاز روکے: امریکا
امریکی محکمہ خارجہ کی ترجمان مورگن اورٹاگوس نے کہا ہے کہ ان کے ملک نے ایران سے یمن کے حوثی باغیوں کو اسلحہ کی ترسیل معطل کر دی ہے۔اورٹاگوس نے ... بين الاقوامى -
امریکا نے عراقی محقق اور تجزیہ کار ہشام الہاشمی کے قتل کی مذمت کردی
امریکی وزیرخارجہ کا اقوام متحدہ کی سلامتی کونسل سے ایران پر عاید اسلحہ کی پابندی میں توسیع کا مطالبہ بين الاقوامى
