تونس کے قائم مقام وزیراعظم الیاس الفخفاخ نے مذہبی جماعت تحریک النہضہ کی جانب سے انہیں اعتماد کا ووٹ نہ دینے کے بعد نہ صرف خود وزارت عظمیٰ کے عہدے سے استعفا دے دیا بلکہ انہوں نے النہضہ سے تعلق رکھنے والے تمام وزرا کو بھی برطرف کر دیا ہے۔
بدھ کے روز تونسی ایوان صدر کی جانب سے جاری کردہ ایک بیان میں کہا گیا ہے کہ قائم مقام وزیراعظم الیاس الفخفاخ کھیلوں اور امور نوجوانان کے وزیر احمد قعلول ، وزیر برائے انتظامات منصف السلیتی ، وزیر برائے لوکل گورنمںٹ لطفی زیتون، وزیر ٹرانسپورٹ اینڈ لاجسٹک انور معروف، وزیر صحت عبداللطیف مکی اور وزیر اعلی تعلیم اور سائنسی تحقیق سلیم شوریکو ان کے عہدوں سے ہٹا دیا۔ یہ تمام وزرا النہضہ جماعت سے تعلق رکھتے تھے۔
بیان میں مزید کہا گیا ہے کہ وزیراعظم الفخفاخ نے حبیب الکشو کو قائم مقام وزیر صحت، فاضل کریم کو ٹرانسپورٹ، غازی الشواشی کو قائم مقام وزیر برائے ساز و سامان، اسماء السحیری کو قائم مقام وزیر برائے کھیل و امور نوجوانان، شلری بلحسن کو مقامی امور اور لبنیٰ الجریبی کو قائم مقام وزیر برائے اعلیٰ تعلیم مقرر کیا ہے۔
ان استعفوں سے کچھ دیر قبل وزیراعظم الفخفاخ نے اپنا استعفیٰ صدر سعید قیس کو پیش کرتے ہوئے کہا کہ تھا کہ ان کے اس اقدام کا مقصد ملک کو مزید سیاسی بحران اور انارکی سے بچانا ہے۔
خیال رہے کہ تونسی پارلیمنٹ نے الیاس الفخفاخ کی حکومت کو رواں سال فروری میں اعتماد کا ووٹ دیا گیا۔ وزیراعظم پر مبینہ بدعنوانی کے الزامات کے بعد ان سے استعفا دینے کو کہا گیا تھا۔ مذہبی سیاسی جماعت تحریک النہضہ نے وزیراعظم سے اعتماد کا ووٹ واپس لینے کا اعلان کیا جس کے بعد پارلیمنٹ میں النہضہ سے تعلق رکھنے والے اسپیکر راشد الغنوشی کے خلاف بھی عدم اعتماد کی تحریک لانے کا مطالبہ کیا جا رہا ہے۔
-
تُونس کے وزیراعظم الیاس الفخفاخ حکمران اتحاد میں اختلافات کے بعد مستعفی
تُونس کے وزیراعظم الیاس الفخفاخ نے پانچ ماہ کے بعد ہی حکومت چھوڑنے کا فیصلہ کیا ہے اور صدر قیس سعیّد کو اپنا استعفا پیش کردیا ہے۔ سیاسی ذرائع کے مطابق ... بين الاقوامى -
تونس میں اخوان المسلمون کو باہر سے مدد مل رہی ہے: عبیر موسیٰ
تونس میں فری دستور پارٹی کی چیئر پرسن عبیر موسٰی نے کہا ہے کہ ملک میں موجود اسلام پسند اخوان المسلمون کو بیرون ملک سے مدد مل رہی ہے۔ العربیہ اور الحدث ... بين الاقوامى -
تونس میں کرونا کی وجہ سے تحریک نہضہ کے خلاف احتجاجی دھرنا روک دیا گیا
تونس کے ذرائع ابلاغ کے مطابق ملک کی مذہبی سیاسی جماعت تحریک النہضہ کے خلاف باردو قصبے میں ہونے والے ایک دھرنے کو روک دیا گیا ہے۔ ذرائع ابلاغ کا کہنا ... بين الاقوامى