.

روس اور امارات کا لیبیا میں فوری فائر بندی پر زور

پہلی اشاعت: آخری اپ ڈیٹ:

روسی وزیر خارجہ سرگئی لاؤروف نے متحدہ عرب امارات کے وزیر خارجہ شیخ عبداللہ بن زائد آل نہیان کے ساتھ ٹیلی فون پر بات چیت کی ہے۔ روسی وزارت خارجہ کے مطابق دونوں شخصیات کے درمیان متعدد اہم امور زیر بحث آئے۔

دونوں ملکوں کے وزراء خارجہ نے لیبیا میں لڑائی کی کارروائیوں کے فوری روکے جانے اور تنازع کے جامع سیاسی تصفیے کا مطالبہ کیا۔

علاوہ ازیں بات چیت میں علاقائی سطح پر دیگر اہم پیش رفت پر بھی تبادلہ خیال ہوا۔

اس دوران شیخ عبداللہ بن زائد نے باور کرایا کہ متحدہ عرب امارات ،،، لیبیا کے بحران کے حل کے واسطے سیاسی کوششوں کو سپورٹ کرنے کے موقف پر ثابت قدم ہے۔ انہوں نے اس سلسلے میں مصر کی کوششوں کو بھی سراہا۔