.

مکہ کی گلیوں میں فوجی وردی میں ملبوس اونٹ سوار پراسرار شخص کی ویڈیو وائرل

پہلی اشاعت: آخری اپ ڈیٹ:

گذشتہ چند گھنٹوں کے دوران سعودی عرب میں سوشل میڈیا پرایک پراسرار ویڈیو وائرل ہوئی۔اس ویڈیو میں ایک شخص الزاھر کالونی سے العزیزیہ کالونی تک فوجی وردی میں ملبوس اونٹ پر سوار ایک شخص کو آوارہ گردی کرتے دکھایا گیا ہے۔

ویڈیو جو ٹویٹر صارفین میں وسیع پیمانے پر وائرل ہوئی ہے۔ متعلقہ حکام کوویڈیو کی تحقیقات کی ہدایت کی گئی ہے جب کہ عوامی حلقوں کا کہنا ہے کہ بہ ظاہر اونٹ سوار شخص نفسیاتی طور پر غیر مستحکم دکھائی دیتا ہے۔

مکہ مکرمہ المکرمہ خطے میں پولیس کے میڈیا ترجمان میجر محمد الغامدی نے وضاحت کی ہے کہ فوجی وردی پہنے ایک شخص کی اونٹ پر سوارہونے اور مٹر گشت کی ویڈیو کی تحقیقات کی ہیں۔ تحقیقات سے معلوم ہوا ہے کہ اس شخص کی عمر چالیس سال کے لگ بھگ ہے اور وہ ذہنی اور نفسیاتی مسائل سے دوچار ہے۔ پولیس نے اس شخص کو حراست میں لے لیا ہے۔