وائٹ ہاؤس کے اعلان کے مطابق امریکی صدر ڈونلڈ ٹرمپ کے مشیر برائے قومی سلامتی رابرٹ اوبرائن کرونا وائرس سے متاثر ہو گئے ہیں۔
پیر کے روز جاری بیان میں بتایا گیا ہے کہ امریکی انتظامیہ میں مرکزی عہدے ہر فائز اوبرائن نے گوشہ نشینی اختیار کر لی ہے اور وہ وائٹ ہاؤس کے باہر ایک محفوظ جگہ سے کام کر رہے ہیں۔ مزید برآں یہ کہ صدر اور نائب صدر کے متاثر ہونے کا کوئی خطرہ نہیں ہے۔
امریکی میڈیا نے پیر کے روز بتایا تھا کہ امریکی صدر ڈونلڈ ٹرمپ کے مشیر برائے قومی سلامتی رابرٹ اوبرائن کے کرونا ٹیسٹ کے نتائج مثبت آئے ہیں۔
اس سے قبل امریکی صدر کے ذاتی معاون اور نائب صدر کے پریس سکریٹری کرونا وائرس سے متاثر ہو چکے ہیں۔ امریکا میں اب تک اس وبائی مرض کے 40 لاکھ سے زیادہ مصدقہ کیس درج کیے گئے ہیں۔
وائٹ ہاؤس کے سینئر اہل کاروں کا اور صدر اور نائب صدر سے قریبی رابطہ رکھنے والے افراد کا روزانہ کی بنیاد پر کرونا ٹیسٹ کیا جاتا ہے۔
