امریکا میں گذشتہ چوبیس گھنٹوں کے اندر کرونا وائرس کے سبب مزید 1379 متاثرین فوت ہو گئے اور 72238 نئے کیسوں کا اندراج ہوا ہے۔ یہ بات جونز ہوپکنز یونیورسٹی کی جانب سے جاری اعداد و شمار میں بتائی گئی ہے۔ یہ مسلسل تیسرا روز ہے جب ملک میں چوبیس گھنٹوں کے اندر کرونا کے سبب 1200 سے زیادہ اموات کا اندراج ہوا۔
اس طرح کرونا کے نمودار ہونے کے بعد سے اب تک امریکا میں متاثرہ افراد کی مجموعی تعداد 45 لاکھ کے قریب پہنچ چکی ہے۔ ان میں 151826 متاثرین موت کا شکار اور 14 لاکھ افراد صحت یاب ہو چکے ہیں۔
دوسری جانب کرونا وائرس کے سبب اموات کی تعداد کے لحاظ سے میکسیکو دنیا بھر میں تیسرے نمبر پر آ گیا ہے۔ فرانس پریس نے سرکاری اعداد و شمار کے حوالے سے بتایا ہے کہ یہاں کرونا کے سبب مرنے والوں کی مجموعی تعداد 46 ہزار تک پہنچ گئی ہے۔ اس طرح میکسیکو نے برطانیہ کو پیچھے چھوڑ دیا ہے جہاں جمعرات کے روز تک درج کی گئی اموات کی تعداد 45999 تھی۔
میکسیکو میں حکام کے مطابق گذشتہ چوبیس گھنٹوں کے دوران اس وبائی مرض کے سبب مزید 639 افراد کی موت اور 7730 نئے کیسوں کا اندراج ہوا۔ اس طرح جمعرات کے روز تک ملک میں کرونا سے متاثرہ افراد کی مجموعی تعداد 416,179 تک پہنچ گئی ہے۔
دنیا بھر میں کرونا سے ہونے والی اموات کے لحاظ سے سب سے زیادہ متاثرہ دو ممالک امریکا (151,496 اموات) اور برازيل (90,134 اموات) ہیں۔
-
یورپ میں کرونا وائرس کی نئی لہر شروع ہورہی ہے: برطانوی وزیر صحت
برطانوی وزیر صحت میٹ ہینکوک کا کہنا ہے کہ انہیں یورپ میں کرونا وائرس کی وباء کی دوسری لہر کا خدشہ ہے اور برطانوی حکومت عوام کو محفوظ رکھنے کے لئے ... بين الاقوامى -
کرونا وائرس کی وَبا موسمی نہیں،یہ ایک بڑی لہر بننے والی ہے: ڈبلیو ایچ او کا انتباہ
عالمی ادارہ صحت ( ڈبلیو ایچ) نے شمالی کرۂ ارض میں موسم گرما میں نئے کرونا وائرس کے پھیلنے سے متعلق غلط فہمی پر خبردار کیا ہے اور کہا ہے کہ یہ وائرس ... بين الاقوامى -
امریکی قومی سلامتی کے مشیر کی اپنی "سلامتی" کرونا وائرس سے متاثر
وائٹ ہاؤس کے اعلان کے مطابق امریکی صدر ڈونلڈ ٹرمپ کے مشیر برائے قومی سلامتی رابرٹ اوبرائن کرونا وائرس سے متاثر ہو گئے ہیں۔ پیر کے روز جاری بیان میں ... بين الاقوامى
