کل جمعہ کے روز سعودی عرب کی 17 ہزار سے زاید جامع مساجد میں 1441ھ کی عیدالاضحیٰ کی نماز ادا کی گئی۔
العربیہ ڈاٹ نیٹ کے مطابق عید کے لیے مقرر کردہ مقامات، عید گاہوں، مساجد اور دیگر کھلے مقامات پر کرونا وائرس سے بچائو کے لیے خصوصی حفاظتی انتظامات کیے گئے تھے۔ تمام مساجد میں عید کی نماز کی ادائی کے لیے سعوی وزارت مذہبی امور اور وزارت صحت کے وضع کردہ پروٹوکول پر مکمل عمل درآمد کرایا گیا۔
عید کی نماز سے قبل علما نے اپنے خطبات میں شہریوں کو کرونا کی وبا کے پیش نظر حفاظتی انتظامات اور تمام ضروری تدابیر اختیار کرنےکی ضرورت پر زور دیا۔ انہوں نے حجاج کرام کو فریضہ حج کی ادائی کے لیے ہر ممکن سہولت فراہم کرنے خادم الحرمین الشریفین شاہ سلمان بن عبدالعزیز آل سعود اور ولی عہد شہزادہ محمد بن سلمان بن عبدالعزیز کی کوششوں کی تحسین کی۔
عید کے اجتماعات سے خطاب میں علما نے ایام تسشریق کے فضائل، حجاج اور غیر حجاج کے لیے عید کے موقعے پر شرعی احکامات پر روشنی ڈالنے کے ساتھ کثرت کے ساتھ دعائوں اور نوافل کے اہتمام کی تلقین کی۔
-
حُجاج کرام کرونا کی وبا سے مکمل طورپر محفوظ ہیں: سعودی وزارت صحت
سعودی عرب کی وازارت حج نے باور کرایا ہے کہ حجاج کرام میں کرونا کا کوئی مریض سامنے نہیں آیا۔ تمام حجاج کرام وبا سے محفوظ ہیں اور وہ مکمل طورپر صحت مند ... مشرق وسطی -
سعودی عرب: حج میں غیر قانونی طور پر شرکت کی کوشش کرنے والے 936 افراد زیر حراست
سعودی حکام کا کہنا ہے کہ رواں سال حج کے مناسک کی ادائیگی کے دوران بغیر اجازت مقامات مقدسہ میں داخل ہونے کی کوشش کرنے والے 936 افراد کو حراست میں لے ... بين الاقوامى -
سعودی عرب حج کی بہ حفاظت تکمیل کی پوری کوشش کر رہا ہے: مفتی اعظم
سعودی عرب کے مفتی اعظم اور سینیر علما کونسل کے چیئرمین الشیخ عبدالعزیز آل الشیخ نے حکومتی اداروں کی جانب سے فریضہ حج کی ادائی کے حوالے سے حجاج کرام کی ... بين الاقوامى
