خرطوم: النہضہ ڈیم کا معاملہ مصری سوڈانی بات چیت میں سرفہرست

ایتھوپیا نے اس بات کا اظہار کیا ہے کہ وہ آئندہ پیر سے النہضہ ڈیم کے حوالے سے مذاکرات دوبارہ شروع کرنے کے لیے تیار ہے۔

یہ موقف ایسے وقت سامنے آیا ہے جب خرطوم میں سوڈان اور مصر کے درمیان سرکاری سطح پر بات چیت شروع ہو رہی ہے۔ اس بات چیت میں متعدد معاملات اور مشترکہ امور زیر بحث آئیں گے۔ ان میں النہضہ ڈٰیم اور دونوں ملکوں کے بیچ دستخط کیے گئے اقتصادی سمجھوتوں کو مؤثر بنانا اہم ترین موضوعات ہیں۔

مصری وفد کی قیادت وزیر اعظم مصطفی مدبولی کر رہے ہیں۔

العربیہ کو موصول ہونے والی خصوصی معلومات کے مطابق مصری وفد میں ٹرانسپورٹ، صحت، صنعت، بجلی اور آب پاشی کے وزراء شامل ہیں۔

ذرائع کے مطابق ایک روزہ دورے کا مقصد یہ بھی ہے کہ سوڈان کے موجودہ حالات اور ان کے حوالے سے مصری ویژن کو زیر بحث لایا جائے۔

مصری اور سوڈانی فریق دونوں ملکوں کے وزراء اعظم کے زیر صدارت وسیع مشاورتی اجلاس بھی منعقد کریں گے۔ اجلاس میں دونوں ملکوں کے بیچ مختلف شعبوں میں تعاون کی صورتوں پر بات چیت ہو گی۔ مصری وزیر اعظم مصطفی مدبولی دورے کے دوران سوڈانی کود مختار کونسل کی قیادت سے بھی ملاقات کریں گے۔