افغان دارالحکومت کابل کے مختلف علاقوں پر متعدد راکٹ داغے گئے جس کے نتیجے میں 10 افراد زخمی ہوگئے۔ اس حملے کے نتیجے میں کابل کے سفارتی ضلع کو بھی نقصان پہنچا اور علاقے کو سیکیورٹی فورسز نے لاک ڈائون کر دیا۔
افغان وزارت داخلہ کے ترجمان طارق آریان نے برطانوی خبررساں ایجنسی رائیٹرز سے بات کرتے ہوئے بتایا کہ "کابل پر دو گاڑیوں سے 14 راکٹ داغے گئے ہیں۔ اس واقعے کے بعد دو افراد کو حراست میں لے لیا گیا ہے۔"
افغان ترجمان کے مطابق حملے میں اکثر راکٹ رہائشی گھروں کے اوپر گرے جس کے نتیجے میں چار بچوں سمیت 10 افراد زخمی ہوگئے ہیں۔
راکٹ حملوں کے نتیجے میں سفارتخانوں کے ملازمین نے سیف رومز میں پناہ لے لی اور پورے علاقے کو لاک ڈائون کر دیا گیا۔
واقعہ کے بعد فوری طور پر اس کے ذمہ داران کا تعین نہیں ہوسکا۔ یاد رہے کہ یہ حملہ ایسے وقت میں کیا گیا ہے کہ جب افغان یوم آزادی کی تیاریاں عروج پر ہیں اورتقریبات کا انعقاد کیا جارہا ہے۔
-
پیرس کا کابل سے فرانسیسی شہریوں کے قاتل طالبان کو رہا نہ کرنے کا مطالبہ
فرانس نے افغان حکومت سے مطالبہ کیا ہے کہ وہ فرانسیسی شہریوں کے قتل کے الزام میں گرفتار تین طالبان کمانڈروں کو رہا نہ کرے۔ یہ مطالبہ ایک ایسے وقت میں ... بين الاقوامى -
کابل میں بارود سے بھری گاڑی کے دھماکے میں 17 افراد ہلاک، 21 زخمی
افغانستان کے دارالحکومت کابل میں جمعرات کی شام باردو سے بھری کار کے دھماکے میں 17 افراد ہلاک اور کم سے کم 21 زخمی ہوگئے۔ یہ حملہ طالبان اور افغان ... مشرق وسطی -
کابل حکومت کا خطرناک طالبان قیدیوں کو رہا نہ کرنے کا فیصلہ
افغانستان کی حکومت نے جیلوں میں قید انتہائی خطرناک نوعیت کے طالبان جنگجوئوں کو رہا نہ کرنے اعلان کیا ہے۔ دوسری طرف مغربی حکومتوں نے افغان حکومت کی اس ... بين الاقوامى
