.

سعودی عرب :گذشتہ 4 ماہ میں سب سےکم، کووِڈ-19 کے 1184 نئے کیسوں کی تصدیق

پہلی اشاعت: آخری اپ ڈیٹ:

سعودی عرب کی وزارتِ صحت نے گذشتہ 24 گھنٹے میں کرونا وائرس کے 1184 نئے کیسوں کی تصدیق کی ہے۔ یہ گذشتہ چار کے ماہ کے دوران میں ایک دن میں کرونا وائرس کے تصدیق شدہ کیسوں کی سب سے کم تعداد ہے۔

مملکت میں اب کل تصدیق شدہ کیسوں کی تعداد 36370 ہوگئی ہےجبکہ کووِڈ-19 کا شکار مزید 39 مریض وفات پا گئے ہیں۔اس مہلک وائرس سے مملکت میں 3619 مریض وفات پا چکے ہیں۔

وزارتِ صحت نے ہفتے کے روز مکہ مکرمہ میں سب سے زیادہ 91 نئے کیسوں کے اندراج کی اطلاع دی ہے۔اس کے بعد صامطہ میں 73 نئے کیس ریکارڈ کیے گئے ہیں۔ دارالحکومت الریاض میں 53 ،حائل میں 50 اور جازان میں 49 نئے کیسوں کی تصدیق کی گئی ہے۔

دریں اثناء گذشتہ ہفتوں کے دوران میں کرونا وائرس کا شکار ہونے والے مزید 1374 مریض صحت یاب ہوگئے ہیں۔ مملکت میں تن درست ہونے والے کل مریضوں کی تعداد 278441 ہوگئی ہے۔

مقبول خبریں اہم خبریں