امریکی وزیرخارجہ کی بحرین کے ولی عہد سے علاقائی استحکام اور خلیج کے اتحاد پر بات چیت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکی وزیر خارجہ مائیک پومپیو نے بحرین کے ولی عہد سلمان بن حمد آل خلیفہ سے منامہ میں بدھ کے روز ملاقات کی ہے اور ان سے علاقائی استحکام اور خلیج کے اتحاد کے بارے میں تبادلہ خیال کیا ہے۔

مائیک پومپیو اسرائیل اور متحدہ عرب امارات کے درمیان تاریخی امن معاہدے کے اعلان کے بعد مشرقِ اوسط کا پہلا دورہ کررہے ہیں۔وہ منگل کی شام بحرینی دارالحکومت منامہ پہنچے تھے۔

انھوں نے اپنی آمد کے بعد گفتگو کرتے ہوئے کہا کہ اب اہم نکتہ یہ ہے کہ امریکا کی ثالثی میں 13 اگست کو اعلان کردہ امن معاہدے سے پیدا ہونے والے موقع سے فائدہ اٹھایا جائے۔

انھوں نے بحرینی ولی عہد سلمان بن حمد آل خلیفہ سے ملاقات کے بعد ایک ٹویٹ میں کہا ہے کہ ’’ ہم نے علاقائی امن اور استحکام کی اہمیت کے بارے میں تبادلہ خیال کیا ہے۔خلیج کے اتحاد کی اہمیت اور خطے میں ایران کے تخریبی اثر ورسوخ کا توڑ کرنے سے متعلق بات چیت کی ہے۔‘‘

انھوں نے بتایا کہ انھوں نے شاہِ بحرین حمد بن عیسیٰ آل خلیفہ سے بھی ملاقات کی ہے۔انھوں نے اس سے پہلے مقبوضہ بیت المقدس اور سوڈان کا دورہ کیا تھا اور آج وہ یو اے ای جارہے ہیں۔

اسرائیل اور امریکا اب مزید عرب ممالک پر زور دے رہے ہیں کہ وہ بھی یو اے ای کی راہ اختیار کریں اور صہیونی ریاست سے معمول کے تعلقات استوار کریں۔اسرائیل کے سراغرسانی کے وزیر نے بحرین کا ذکر کیا ہے اور کہا ہے کہ وہ بھی اسرائیل کے ساتھ معمول کے تعلقات استوار کرنے کے لیے امن معاہدہ طے کرسکتا ہے۔

مقبول خبریں اہم خبریں

مقبول خبریں