سعودی عرب میں کووِڈ-19 کے یومیہ کیسوں کی تعداد میں روزبروز کمی واقع ہورہی ہے اور آج اتوار کو مسلسل دسویں روز ایک ہزار سے کم کیسوں کا اندراج کیا گیا ہے۔
سعودی وزارتِ صحت کے ترجمان ڈاکٹر محمد العبد العالی نے بتایا ہے کہ گذشتہ 24 گھنٹے میں 756 نئے کیس ریکارڈ کیے گئے ہیں۔اس طرح اب مملکت میں کرونا وائرس کے تصدیق شدہ کیسوں کی تعداد 320688 ہوگئی ہے۔
انھوں نے مزید بتایا ہے حالیہ ہفتوں کے دوران میں کرونا وائرس کا شکار ہونے والے مزید 32 مریض وفات پا گئے ہیں۔اب تک سعودی عرب میں کووِڈ-19 سے 4081 افراد نے وفات پائی ہے۔
دریں اثناء گذشتہ 24 گھنٹے میں کووِڈ-19 کے مزید 895 مریض صحت یاب ہوگئے ہیں۔اس طرح مملکت میں 296737 مریض تن درست ہوچکے ہیں۔ ڈاکٹر محمد العبد العالی کا کہنا ہے کہ اب تشویش ناک کیسوں کی شرح میں بھی کمی واقع ہوئی ہے اور ان کی تعداد گھٹ کر چھے فی صد رہ گئی ہے۔
ترجمان کا کہنا ہے کہ سعودی عرب میں اس مہلک وائرس سے نوجوانوں کا گروپ سب سے زیادہ متاثر ہوا ہے۔انھوں نے معاشرے کے تمام ارکان پر زوردیا ہے کہ وہ اس مہلک وَبا پر قابو پانے کے لیے حفاظتی احتیاطی تدابیر کی پاسداری کریں۔
ترجمان نے کووِڈ-19 سے متاثرہ تمام مریضوں کو ہدایت کی ہے کہ وہ کم سے کم 14 روز تک الگ تھلگ رہیں تاکہ کوئی دوسرا ان سے متاثر نہ ہو۔
#الصحة تعلن عن تسجيل (756) حالة إصابة جديدة بفيروس #كورونا الجديد (كوفيد19)، وتسجيل (32) حالات وفيات رحمهم الله، وتسجيل (895) حالة تعافي ليصبح إجمالي عدد الحالات المتعافية (296,737) حالة ولله الحمد. pic.twitter.com/eA5KF7Gw45
— و ز ا ر ة ا لـ صـ حـ ة السعودية (@SaudiMOH) September 6, 2020
