مصر نے فوجی سطح پر بات چیت کی ترکی کی تجویز کا کوئی جواب نہیں دیا: ذرائع

پہلی اشاعت: آخری اپ ڈیٹ:
مطالعہ موڈ چلائیں
100% Font Size

مصری حکومت کے ایک ذمہ دار ذریعے کا کہنا ہے کہ قاہرہ نے ترکی کی طرف سے دونوں ملکوں کے درمیان اعلیٰ سطح پر فوجی ملاقات کی کسی تجویز کا کوئی جواب نہیں دیا ہے۔ ‌ذرائع کا کہنا ہے کہ قاہرہ کی طرف سے ترک صدر کی فوجی سطح پر ملاقات سے متعلق تجویز کا جواب اس لیے نہیں دیا کیونکہ ترکی اس وقت خطے کے کئی ممالک میں مسلسل مداخلت کر رہا ہے۔

ذرائع نے العربیہ کو بتایا کہ ترک صدر طیب ایردوآن نے کہا تھا کہ ان کا ملک مصر کے ساتھ مذاکرات کے لیے تیار ہے۔ ترک صدر کے بیان کے بعد انقرہ نے مصر کو ایک برقی پیغام بھیجا جس میں کہا گیا تھا کہ انقرہ قاہرہ کے ساتھ سیکیورٹی حکام کی سطح‌ پر بات چیت کے لیے تیار ہے۔

ترک انٹیلی جنس نے بحیرہ روم میں قدرتی گیس کے معاملے میں قاہرہ کےساتھ رابطے کی ضرورت پر زور دیا ہے۔

دوسری طرف ذرائع کا کہنا ہے کہ مصر نے ترکی کی طرف سے سیکیورٹی نوعیت کے رابطوں سے متعلق تجویز کوکوئی اہمیت نہیں دی۔

ذرائع کا کہنا ہے کہ مصر کو لیبیا میں ترکی کی فوجی مداخلت پر گہرے تحفظات ہیں۔ اس کے علاوہ ترکی کئی دوسرے ممالک میں مداخلت کرنے کےساتھ ساتھ اخوان المسلمون کی حمایت کر رہا ہے۔

ذرائع کا کہنا ہے کہ ترکی کی کوشش ہے کہ وہ قاہرہ کے ساتھ سیکیورٹی کی سطح پر براہ راست بات چیت شروع کرے۔ اس حوالے سے ترک حکومت نے یہ ذمہ داری ترک انٹیلی جنس حکام کو سونپی ہے۔

مقبول خبریں اہم خبریں