.

بم کی افواہ پر ایفل ٹاور بند، کئی گھنٹے کی چھان بین کے بعد کھولا گیا

پہلی اشاعت: آخری اپ ڈیٹ:

فرانسیسی پولیس کا کہنا ہے کہ گذشتہ روز نامعلوم افراد کی طرف سے ایفل ٹاور میں بم کی موجودگی کی جھوٹی اطلاع کے بعد ٹاور کو خالی کرا لیا گیا تھا تاہم مکمل چھان بین کے بعد سیاحوں کو ٹاور میں داخل ہونے کی اجازت دے دی گئی ہے۔

پولیس کے ایک ترجمان نے بتایا کہ پیرس میں مشہور سیاحتی علامت ایفل ٹاور میں بم کی موجودگی کے بعد اس کی تلاشی لی گئی تاہم وہاں سے کسی قسم کا دھماکہ خیز مواد نہیں ملا۔ مقامی وقت کے مطابق دوپہر 2 بج کر 25 منٹ پر سیاحوں کے لیے دوبارہ کھول دیا گیا ہے۔

دوپہر سے پہلے کئی سو افراد کو اس وقت ایفل ٹاور سے نکالا گیا جب پولیس کو ایک کال موصول ہوئی جس میں کہا گیا کہ ٹاور میں بم نصب کیا گیا ہے۔

انخلا کا حکم جاری ہونے کے بعد سائٹ پر ایک ٹور گائیڈ نے کہا تمام سیاحوں کو منظم طریقے سے نکالا گیا۔ سیاحوں میں کوئی خوف و ہراس نہیں تھا۔

بم کی اطلاع ملتے ہی پولیس نے ایفل ٹاور کے اطراف کی تمام سڑکوں کو گھیرے میں لے۔ سائٹ پر موجود دو پولیس افسران نے "ایسوسی ایٹڈ پریس" کو بتایا کہ یہ کارروائی فون پر بم کی اطلاع پر کی گئی تھی۔ خیال رہے کہ ایفل ٹاور 131 سال پہلے تعمیر کیا گیا تھا۔ اسے فرانس میں ایک یادگار کا درجہ حاصل ہے۔ تقریبا 25 ہزار سیاح روزانہ اس کی سیر کرتے ہیں۔