مصر میں سوشل میڈیا پر ایک ویڈیو وائرل ہوئی ہے جس میں ایک شخص کو ڈاکٹر کے انتظار میں اس کے کمرے میں بیٹھے اچانک موت سے ہم کنار ہوتے دیکھا جاسکتا ہے۔
العربیہ ڈاٹ نیٹکے مطابق ناگہانی موت سے دوچار ہونے والا شخص خود بیمار نہیں تھا بلکہ وہ اپنی بیمار بیوی کو ڈاکٹر کو دکھانے کے لیے آیا تھا۔ اس واقعے نے ہر دیکھنے والے کو دکھی کردیا۔
یہ واقعہ مشرقی گونری کے فاقوس اسپتال میں پیش آیا۔ اسپتال میں ڈاکٹر حمدی المسعودی کی کلینک پر ایک شخص اپنی بیمار بیوی کو پکڑ کرلایا۔ جب وہ انتظار گاہ میں بیٹھ گیا تو کچھ دیر بعد اچانک وہ بیٹھے بیٹھے لڑکھڑا کر گر پڑا۔ وہاں پرموجود لوگ بھی ششدر رہ گئے جب کہ اس کی بیمار بیوی اور پریشان ہوگئی۔ اس شخص کو اٹھایا مگر وہ دم توڑ چکا تھا۔ ڈکاٹر کا کہنا ہے کہ اس شخص کی موت سخت ترین نوعیت کے عارضہ قلب سے ہوئی جس نے چند منٹ کے اندر اندر اس کی جان لے لی
فوت ہونے والے شخص کی شناخت 34 سالہ رشدی احمد کےنام سے کی گئی ہے۔ اس کی بیوہ کا کہنا ہے کہ شوہر نے اپنی وفات سے قبل کبھی اپنی کسی جسمانی بیماری کا اظہار نہیں کیا۔
