شاہ سلمان ریلیف سینٹر کا آٹھ ممالک میں امراض چشم کے مفت علاج کا معاہدہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب کے فرمانروا شاہ سلمان بن عبدالعزیز سے منسوب امداد اور ریلیف سینٹر نے البصر فائونڈیشن سے ایک معاہدہ کیا ہے جس کے تحت دنیا کے آٹھ ممالک میں امراض چشم کا مفت علاج کیا جائے گا۔

سعودی عرب کی این جی او البصر اندھے پن کے امراض سے لڑنے کے لئے جدوجہد کر رہی ہے۔ اس تنظیم کے ساتھ معاہدے پر شاہ سلمان ریلیف سنٹر کے اسسٹنٹ ڈائریکٹر پلاننگ ڈاکٹر عقیل بن جمان الغامدی اور البصر کے سیکریٹری جنرل ڈاکٹر عادل بن عبدالعزیز الرشود نے دستخط کئے۔

ریلیف سنٹر کے عہدیدار کے مطابق " اس معاہدے کے تحت یمن، فلپائن، کانگو، بنگلہ دیش، سوڈان، جبوتی، روانڈا اور برونڈی میں آنکھوں کے امراض کا علاج کرنے کے لئے 30 مہمات چلائی جائیں گی۔ اس کے علاوہ ایک اندازے کے مطابق 12 ہزار آپریشنز کئے جائیں اور مریضوں کو 30 ہزار عینکیں فراہم کی جائیں گی۔

ڈاکٹر عقیل بن جمان کا کہنا تھا کہ ریلیف سنٹر کی جانب سے یہ معاہدہ سعودی عرب کی دنیا بھر میں لوگوں کی خدمت کے مشن کا ہی ایک حصہ ہے۔

مقبول خبریں اہم خبریں