جمعرات کے روز یورپی کمیشن کی خاتون سربراہ اورسولا وون ڈیر لیین برسلز میں یورپی یونین کے سربراہی اجلاس کے آغاز کے ایک گھنٹہ سے بھی کم وقت میں اجلاس سے چلی گئیں۔ انہیں شبہ تھا کہ اجلاس کے دوران ان کی ملاقات ایک ایسے شخص کے ساتھ ہوئی جو'COVID-19' سے متاثر تھا۔
ٹویٹر پر پوسٹ کردہ ایک ٹویٹ انہوں نے کہا کہ انہوں نے اپنا طبی معائنہ کرایا ہے۔ اگرچہ ان کی ٹیسٹ رپورٹ منفی آئی ہے مگر وہ احتیاطا خود کو قرنطینہ کر رہی ہیں۔
انہوں نے یہ بھی وضاحت کی کہ انہیں معلوم ہوا کہ ان کے دفتر میں ان سے ملنے والے ایک شخص کی کرونا ٹیسٹ رپورٹ مثبت آئی تھی۔ لیکن انہوں نے تصدیق کی کہ میرے ٹیسٹ کے نتائج منفی تھے لیکن احتیاط کے طور پر میں فوری طور پر خود تنہائی اختیار کی ہے۔
خیال رہے کہ کرونا وبا کی وجہ سے کئی یورپی ممالک سخت لاک ڈاون کی وجہ سے بھاری معاشی نقصانات کا سامنا کر رہے ہیں۔
عالمی ادارہ صحت کے مطابق ورلڈ ہیلتھ آرگنائزیشن نے دو دن پہلے اعلان کیا تھا کہ پورے یورپ میں ہفتہ وار وائرس کے انفیکشن اور اموات بالترتیب 34٪ اور 16 فیصد بڑھ گئی ہیں۔ یورپی خطے میں نصف سے زیادہ نئے کیسز میں برطانیہ ، فرانس ، روس اور اسپین سر فہراست ہیں۔
