.

کابل بس بم دھماکا، تین خواتین سمیت 9 افراد جاں بحق

پولیس ترجمان نے حملے کا ذمہ دار طالبان کو ٹھہرایا، طالبان خاموش

پہلی اشاعت: آخری اپ ڈیٹ:

افغانستان کے دارالحکومت کابل میں سڑک کنارے ہونے والے بم دھماکے میں تین خواتین سمیت 9 افراد جاں بحق اور متعدد زخمی ہو گئے۔

افغان صوبے غزنی کے ترجمان وحیداللہ جمعہ زادہ نے بم دھماکے میں ہلاکتوں کے تصدیق کرتے ہوئے بتایا کہ دھماکا اس وقت جب بس کابل سے غزنی سے جا رہی تھی۔ترجمان غزنی نے بتایا کہ بم دھماکے میں تین خواتین سمیت 9 افراد جاں بحق اور متعدد زخمی ہوئے۔

غزنی کے پولیس ترجمان نے حملے کا ذمہ دار طالبان کو ٹھہراتے ہوئے کہا کہ بم دھماکے میں 4 پولیس اہلکار بھی زخمی ہوئے تاہم طالبان کی جانب سے اس حوالے سے تاحال کوئی بیان سامنے نہیں آیا ہے۔