بیرون ملک سے عمرہ زائرین کی آمد کا آغاز کل اتوار سے ہوگا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

کرونا وبا کے خطرے کے پیش نظر عمرہ مناسک کی ادائی پر عاید کردہ عارضی پابندی کے خاتمے کا تیسرا مرحلہ کل یکم نومبر بہ روز اتوار سے شروع ہو رہا ہے۔

بیرون ملک سے عمرہ زائرین کی آمد کل اتوار سے شروع ہوگی اور مختلف ملکوں‌سے عمرہ زائرین کو لے کرمتعدد پروازیں جدہ پہنچیں گی۔

سعودی پریس ایجنسی 'ایس پی اے' کے مطابق بیرون ملک سے آنے والے عمرہ زائرین کا شاہ عبدالعزیز بین الاقوامی ہوائی اڈے پر استقبال کیا جائے گا۔ جہاں پر کرونا کی وبا کی روک تھام کے پیش نظر اور اللہ کے مہمانوں کی صحت و سلامتی کے لیے سخت ایس اوپیز وضع کیے گئے ہیں۔

سعودی عرب میں‌عمرہ زائرین کی آمد سے لے کر ان کی واپسی تک تمام مراحل جن میں ہوائی اڈے پر اترنے، بسوں کے ذریعے حرم قدسی کی طرف روانگی، چیکنگ پوائنٹس سے گذرنے، عمرہ مناسک کی ادائیگی اور واپسی تک کے مرحلے شامل ہیں میں ان کی صحت یقینی بنانے کے لیے سخت ایس اویپز وضع کیے گئے ہیں۔

سعودی عرب کی وزارت حج عمرہ نے عمرہ کی رجسٹریشن کے لیے'اعتمرنا' ایپ متعارف کرائی ہے۔ اس ایپ کی مدد سے معتمرین کے مسجد حرام میں داخلے اور نمازیوں کی آمد ورفت کا طریقہ کار وضع کیا گیا ہے۔ اس کے ساتھ ساتھ صحت کے ایس اوپیز بھی واضح‌ کیے گئے ہیں۔

مقبول خبریں اہم خبریں

مقبول خبریں