ریاض: 13 لاکھ ریال اسمگل کرنے کی کوشش کرنے والا غیر ملکی مقیم گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے صوبے ریاض میں پولیس کے معاون میڈیا ترجمان خالد الکریدیس نے انکشاف کیا ہے کہ سیکورٹی اداروں نے ریاض کے شاہ خالد بین الاقوامی ہوائی اڈے پر 13 لاکھ ریال (نقد) کی بیرون ملک اسمگلنگ کی کوشش ناکام بنا دی۔ یہ کوشش مملکت میں مقیم مصری شہریت کے حامل ایک شخص کی جانب سے کی گئی۔

بعد ازاں یہ بات سامنے آئی کہ اس شخص کا تعلق 5 غیر ملکی مقیمین کے ایک گروہ سے ہے۔ ان پانچ افراد میں تین مصری اور دو شامی باشندے ہیں۔ مذکورہ افراد کی عمریں 30 سے 40 برس کے درمیان ہیں۔

گروہ نے نامعلوم ذرائع سے مالی رقوم جمع کیں اور پھر 10 تجارتی اداروں کے نام پر موجود بینک کھاتوں کے ذریعے رقوم کو سعودی عرب سے باہر منتقل کرنے کی کوشش کی۔ مذکورہ تجارتی ادارے سعودی شہریوں کی ملکیت ہیں۔ اس کارروائی کے مقابل یہ گروہ اپنے کمیشن کا تقاضا کرتا تھا۔

تفتیش کے نتیجے میں اس گروہ کی جائے رہائش سے 4,785,413 ریال برآمد ہوئے جن کا ذریعہ نامعلوم ہے۔ ان کے علاوہ مالی رقوم جمع کرانے کی رسیدیں بھی ملیں۔ گروہ کے تمام افراد کو حراست میں لے کر ان کے خلاف قانونی چارہ جوئی کا آغاز ہو گیا ہے۔

مقبول خبریں اہم خبریں

مقبول خبریں