حاکمِ دبئی شیخ محمد بن راشد آل مکتوم نے منگل کے روز کرونا وائرس کی ویکسین لگوائی ہے۔
انھوں نے ٹویٹر پر خود اس امر کی اطلاع دی ہے اور لکھا ہے کہ ’’ہم ہر کسی کا تحفظ اور اچھی صحت چاہتے ہیں۔ہمیں اپنی ٹیموں پر فخر ہے کہ انھوں نے یو اے ای میں ویکسین کی دستیابی کے لیے ان تھک کام کیا ہے۔یو اے ای میں مستقبل ہمیشہ بہتر رہے گا۔‘‘
شیخ محمد بن راشد آل مکتوم متحدہ عرب امارات کے نائب صدر اور وزیراعظم بھی ہیں۔
While receiving the COVID-19 vaccine today. We wish everyone safety and great health, and we are proud of our teams who have worked relentlessly to make the vaccine available in the UAE. The future will always be better in the UAE. pic.twitter.com/Rky5iqgfdg
— HH Sheikh Mohammed (@HHShkMohd) November 3, 2020
یو اے ای میں چین کی دوا ساز کمپنی سینوفارم کی تیارکردہ ویکسین کا تیسرے مرحلے میں ٹرائل کیا جارہا ہے۔
گذشتہ ماہ یو اے ای کی حکومت نے اس ویکسین کو کرونا وائرس کے خلاف جنگ میں محاذ اوّل پر کام کرنے والے طبّی عملہ اور سکیورٹی فورسز کے اہلکاروں کو لگانے کی منظوری دی تھی۔
اب تک یو اے ای کے وزیر صحت سمیت دسیوں اعلیٰ عہدے داروں کو یہ ویکسین لگائی جاچکی ہے۔
اماراتی حکومت نے بچّوں ، ضعیف العمر افراد ،حاملہ خواتین اور دائمی مریضوں سے کہا ہے کہ وہ تحفظِ صحت کے لیے اس ویکسین کو لگوائیں۔اس نے یہ بھی اعلان کیا تھا کہ ان چاروں میں سے کسی زمرے میں شامل افراد کو مفت میں ویکسین لگائی جائے گی۔
