.

سعودی عرب: حائل میں "الفنخاء کھجور میلہ" جاری

پہلی اشاعت: آخری اپ ڈیٹ:

سعودی عرب کے صوبے حائل میں "تمور الفنخاء" کے نام سے کھجوروں کا میلہ جاری ہے۔ الکہفہ شہر میں منعقد ہونے والا یہ ایونٹ اس میلے کا تیسرا ایڈیشن ہے۔

میلے کو الکہفہ شہر میں سیاحتی، زراعتی اور اقتصادی حوالے سے نمایاں اہمیت حاصل ہے۔ میلے کی سرگرمیوں کے دوران کھجوروں اور اس سے بنی مصنوعات کو پر کشش اور خوب صورت انداز سے پیک کر کے عوام کے سامنے پیش کیا جاتا ہے۔

میلے میں الکہفہ کی منڈی کی بہترین اور اعلی معیار کی کھجوریں رکھی گئی ہیں۔ اس موقع پر صحت و صفائی کے حوالے سے بہترین انتظامات کیے گئے ہیں۔ واضح رہے کہ "الفنخاء" کی کھجور مارکیٹ الکہفہ شہر میں سرمایہ کاری کے سیکٹر کو تقویت بخشتا ہے۔