25 برسوں سے نجدی نودارات جمع کرنے والے شوقین سعودی سے ملیے!

سعودی عرب میں نودارت اور پرانی چیزیں جمع کرنے والے ایک سعودی شہری نے بالعموم پورے ملک بالخصوص نجد کے علاقے کی پرانی چیزیں جمع کرنے کے 25 سالہ مشغلے کے دوران بڑی تعداد میں نوادرات جمع کر لیے ہی

نجد کے علاقے سے تعلق رکھنے والے انجینیر خالد الحمدان نے العربیہ کو بتایا کہ اس نے 25 سال پیشتر نوادرات جمع کرنے کا مشغلہ اختیار کیا اور اس کی توجہ نجد کے علاقے کی نوادارت کا ذخیرہ اکٹھا کرنا تھا۔ اس کے جمع کردہ نوادرات نے آج کی نسل کو ان کے آباؤ اجداد اور ماضی کے ساتھ منفرد انداز میں جوڑ دیا ہے۔ یہ نوادرات محض زائرین کی دلچسپی کا سامان ہی نہیں بلکہ یہ حال کو ماضی کے ساتھ جوڑنے کا منفرد ذریعہ ہے۔

الحمدان کے گھر میں قائم کردہ میوزیم میں اس نے نجد کی بڑی تعداد میں نودرات اکھٹی کی ہیں اور ساتھ ہی ساتھ اس نے بہت سی پرانی چیزوں کے اس دور میں استعمال کے طریقہ کار پربھی روشنی ڈالی ہے۔

نمائندہ العربیہ سے بات کرتے ہوئے الحمدان نے کہا کہ اس نے گھرمیں نجدی نوادرات کا ایک بڑ ذخیرہ جمع کر رکھا ہے۔ اس میں پرانے دور میں‌ گھروں میں استعمال ہونے والے فرنیچر، برتن، کپڑے اور تعمیراتی فن پارے شامل ہیں۔

ایک سوال کے جواب میں الحمدان نے کہا کہ اس نے نوادارت کے حصول کے لیے ایک ایک گھر کا سفر کیا اور وہ قریہ قریہ گھومتا رہا۔ اس شغل میں اس کے خاندان کے افراد، دوستوں اور دیگر احباب نے بھی معاونت کی۔ بہت سی نوادرات اسے تحفے میں ملیں مگر بعض اس نے نیلام گھروں سے نیلامی کے دوران خرید کیں۔ گذشتہ پندرہ سال سے اس نے اپنے گھر میں ان نوادرات کا ایک میوزیم بنا رکھا ہے۔

ایک اور سوال کے جواب میں انہوں‌ نے کہا کہ میں نے دو منزلہ مکان جس میں 14 بڑے ہال ہیں نوادرات کو ذخیرہ کرنے اور ان کی نمائش کے لیے پیش کیے ہیں۔ ان میں ایک ہال صرف کرنسی نوٹوں اور سکوں کے لیے مختص ہے جس میں سعودی عرب کے پرانے سکے اور کرنسی نوٹوں کے علاوہ دوسرے ملکوں کے کرنسی نوٹ بھی شامل ہیں۔ ان سکوں میں سعودی عرب کی تاریخ بھی پنہاں ہے کیونکہ اس کے میوزیم میں شاہ عبدالعزیز آل سعود کے دور سے موجودہ خادم الحرمین الشریفین کے دور کے جاری کردہ سکے اور نوٹ شامل ہیں۔

ایک ہال مخطوطات کے لیے مختص ہے۔ اس کے علاوہ پرانی نصابی کتابیں‌، 70 قسم کے کیمرے اور ان گنت پرانی تصاویر، قدیمی اسلحہ جس میں بندوقیں، گھروں‌ میں استعمال ہونے والے 1500 برتن،1957 کے ماڈل کی ایک کار، طبیبوں کے آلات اور پرانی ادویات کے نمونے، حجام کے پرانے دور کے آلات اور کئی دوسری اشیا کا وسیع ذخیرہ اکٹھا کیا گیا ہے۔