یونان نے پڑوسی ملک ترکی کی جانب سے بے جا مداخلت اور یونانی مفادات کو نقصان پہنچانے پر یونانی وزیراعظم نے ترکی کے خلاف عالمی عدالت میں جانے کی دھمکی دی ہے۔
اگرچہ یونان کی جانب سے متعدد بار ترکی کے ساتھ جاری کشیدگی کم کرنے کا عندیہ دیا اور انقرہ کے ساتھ خیر سگالی کے جذبات کا اظہار کیا مگر اس کے باجود یونان کے وزیراعظم کریاکوس میتسوتکیس نے کہا ہے کہ ترکی نے اپنے تصرفات تبدیل نہ کیے تو ان کا ملک اپنے مفادات کا تحفظ کرے گا۔
انہوں نے کہا کہ یونان ترکی کے ساتھ دیانت دارانہ اور نتیجہ خیز مکالمےکے لیے پر عزم ہے۔ اس کے باوجود اگر انقرہ نے اپنی روش نہ بدلی تو ہمارے پاس اپنے مفادات کےدفاع کے لیے اور کوئی راستہ نہیں بچے گا۔
یونان کی سرکاری نیوز ایجنسی نے وزیراعظم کریاکوس میتسوتکیس کا ایک بیان نقل کیا ہے جس میں ان کا کہنا تھا کہ یورپی یونین جلد رکن ممالک کے تزویراتی مفادات کی خاطر اہم اقدامات کا اعلان کرے گی۔
انہوں نے کہا کہ یونان اور ترکی کو مذاکرات کے ذریعے اپنے مسائل حل کرنا ہوں گے۔ اگر اختلافات بات چیت کے ذریعے حل نہیں ہوتے تو ہمارے پاس بین الاقوامی عدالت انصاف سے رجوع کا آپشن موجود ہے۔
انہوں نے مزید کہا کہ ترکی کے اقدمات نے سال 2020ء کےدوران 'نیٹو' کی وحدت کو بہت زیادہ نقصان پہنچایا ہے۔
خیال رہے کہ گذشتہ ہفتے ترک صدر نے قبرص کے شمالی متنازع علاقے واروشا کا دورہ کیا تھا جس پر یونانی حکومت کی طرف سے سخت رد عمل سامنے آیا ہے۔
