کابل میں راکٹ حملوں میں کم از کم پانچ افراد ہلاک

افغانستان کے دارالحکومت کابل میں راکٹ اور مارٹر حملوں میں کم از کم پانچ شہری ہلاک اور بیس سے زائد زخمی ہوگئے ہیں۔

افغان وزارت صحت کے مطابق آج ہفتے روز شہر کے مختلف علاقوں میں کم از کم 14 راکٹ داغے گئے۔ افغان وزارت داخلہ کے مطابق یہ راکٹ حملے شہر کے چار مختلف انتظامی علاقوں میں کیے گئے۔

انہی میں سے ایک صدارت اسکوائر بھی ہے جہاں افغان نائب صدر امراللہ صالح کا دفتر واقع ہے۔ ابھی تک کسی گروہ نے اس واقعہ کی ذمہ داری قبول نہیں کی ہے۔