امریکی قومی سلامتی کونسل نے جمعہ کے روز کہا ہے کہ امریکا سعودی عرب میں شہری اہداف پر رواں ہفتے یمن کے ایرانی حمایت یافتہ حوثی باغیوں کے حملوں کی شدید مذمت کرتا ہے۔
العربیہ ڈاٹ نیٹ کے مطابق امریکی قومی سلامتی کونسل کی طرف سے جاری ایک بیان میں کہا گیا ہے کہ حوثی باغی ایران کے اشاروں پر پڑوسی ملکوں کو نقصان پہنچانے کے ساتھ یمن کو بھی توڑنا چاہتے ہیں۔
بیان میں کہا گیا ہے کہ حوثی ملیشیا نے یمن میں جنگ بندی کے لیے اقوام متحدہ کی مساعی کو نظر انداز کر کے یہ ثابت کیا ہے کہ یہ ملیشیا یمن کو متحد رکھنے کے بجائے اسے توڑنا چاہتی ہے۔
یہ امر قابل ذکر ہے کہ سعودی وزارت توانائی کے ایک سرکاری ذریعے نے پیر کی شام کہا تھا کہ جدہ کے شمال میں پٹرول اسٹیشن پر ایک ٹینک پر دہشت گردانہ حملہ کیا گیا۔ یہ حملہ ایرانی حمایت یافتہ حوثی ملیشیا کی طرف سے کیا گیا تھا۔ تاہم اس کے نتیجے میں کسی قسم کا جانی نقصان نہیں ہوا ہے۔
سعودی عرب نے اس حملے کی شدید مذمت کرتے ہوئے اسے حوثیوں کی ایک دانستہ کوشش قرار دیا تھا۔
-
یمنی حوثی بحیرہ احمر میں لنگراندازناکارہ آئیل ٹینکر کاعالمی ٹیم سے معائنہ کرانے پررضامند
ایران کی حمایت یافتہ حوثی ملیشیا نے اقوام متحدہ کی ٹیم کو یمن کی ساحلی حدود میں لنگرانداز ناکارہ آئیل ٹینکر کے معائنے کی منظوری دے دی ہے۔ اقوام متحدہ ... بين الاقوامى -
سعودی کابینہ کی جانب سے حوثی ملیشیا کے دہشت گرد حملوں کی مذمت
سعودی فرماں رواں شاہ سلمان بن عبدالعزیز نے منگل کے روز کابینہ کے ایک ورچوئل اجلاس کی صدارت کی۔ کابینہ نے ایک بار پھر حوثی ملیشیا کی جانب سے کیے جانے ... مشرق وسطی -
حوثی ملیشیا کو دہشت گرد قرار دینے کے امکانات کے بعد اقوام متحدہ حرکت میں آ گئی
امریکی حکومت کی طرف سے یمن کی ایران نواز حوثی ملیشیا کو دہشت گرد تنظیم قرار دیے جانے کے امکانات کے بعد اقوام متحدہ حرکت میں آ گئی ہے اور اس نے اپنے ... مشرق وسطی