امریکا کے محکمہ خزانہ نے یمن کی حوثی ملیشیا کے پانچ اعلیٰ عہدے داروں پر پابندیاں عاید کردی ہیں۔
حوثی ملیشیا کے ان پانچوں عہدے داروں پر یمن میں خواتین اور بچّوں پر تشدد کے واقعات میں ملوّث ہونے کے الزامات ہیں۔
محکمہ خزانہ کی ان پابندیوں کی زد میں آنے والوں میں حوثی ملیشیا کی سکیورٹی انتظامیہ کے سربراہ عبدالحکیم الخیوانی ،حوثیوں کے سکیورٹی ڈیپارٹمنٹ کے نائب سربراہ مطلق عامرالمیرانی اور حوثی ملیشیا کے ایک اعلیٰ عہدے دار عبدالقادر الشامی بھی شامل ہیں۔
ان پابندیوں کے تحت ان حوثی عہدے داروں کے امریکا میں اثاثے منجمد کر لیے گئے ہیں اور امریکی شہری ان سے کوئی کاروباری لین دین نہیں کرسکیں گے۔
