صحرائی ٹڈیوں کی یلغار، مکہ کا گھڑیال ٹاور بھی چھپ گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

گذشتہ روز مکہ معظمہ میں لیںڈ مارک کا درجہ رکھنے والے گھڑیال ٹاور پر صحرائی ٹڈیوں نے یلغار کردی جس کے نتیجے میں ٹاور کی چوٹی پر نصب گھڑیال بھی چھپ گیا۔

العربیہ ڈاٹ نیٹ کے مطابق سعودی عرب کی وزارت ماحولیات بحر احمر کے ساحل پر مشرقی افریقہ اور یمن کی طرف سے آنےوالی ٹڈی کے خلاف فوری کارروائی کی اور انہیں ختم کردیا گیا۔

محکمہ ماحولیات کی طرف سے صحرائی ٹڈی کو تلف کرنے کے لیے ریاض، مکہ معظمہ، مدینہ منورہ، القصیم، حائل، تبوک، عسیر اور الباحہ میں وسیع پیمانے پر آپریشن کیا جا رہا ہے تاکہ صحرائی ٹڈیوں پر بروقت قابو پا جا سکے۔

محکمہ ماحولیات کا کہنا ہے کہ ٹڈیوں سے شہریوں کی صحت کو کوئی خطرہ نہیں تاہم ان سے فصلوں اور چرا گاہوں کو نقصان پہنچنے کا اندیشہ ہے۔ ٹڈیوں کے لشکر شہریوں کی روز مرہ زندگی کو بھی متاثر کرسکتے ہیں۔

مقبول خبریں اہم خبریں