امریکا: اڑان کے لیے تیار ہوائی جہاز کے بازو پر ایک شخص کا 'مٹر گشت': ویڈیو

پہلی اشاعت: آخری اپ ڈیٹ:
مطالعہ موڈ چلائیں
100% Font Size

امریکی ذرائع ابلاغ اور سوشل میڈیا پر ایک فوٹیج وائرل ہوئی جس میں ایک شخص کو اڑان بھرنے کے لیے تیار ہوائی جہاز کے ایک بازو پر چڑھ دوڑتے دکھایا گیا ہے۔

یہ واقعہ امریکی ریاست لاس ویگاس کے ماکاران بین الاقوامی ہوائی اڈے پر پیش آیا جہاں پرواز کے لیے تیار رن وے پر موجود طیارے کے عملے کو اس وقت مشکل کا سامنا کرنا پڑا یک ایک شخص ہوائی اڈے کی باڑ پھلانگ کا اندر داخل ہوا اور ہوائی جہاز کے پر پر چڑھ گیا۔

Advertisement

ویڈیو میں اس مہم جو کو طیارے کے بازو پر جوتے اتار کر چلتے دیکھا جاسکتا ہے۔ جب سیکیورٹی عملے کو اس شخص کے بارے میں پتا چلا تو پولیس نے اسے پکڑنے کی کوشش کی تو وہ پھسل کر زمین پر جا گرا اور زخمی ہوگیا۔ اسے اسپتال منتقل کردیا گیا ہے۔
امریکی ٹی وی چینل 'این بی سی' کو اس واقعے کی فوٹیج موصول ہوئی جو اب سوشل میڈیا پر بھی وائرل ہو چکی ہے۔

امریکی ٹی وی چینل کے مطابق الاسکا فضائی کمپنی کے طیارے پر کے بازو پر سوار ہونے والے شخص کی شناخت ظاہر نہیں ہوسکی اور نہ ہی اس کی اس حرکت کے پیچھے چھپے مقصد کا پتا چلا ہے۔

فضائی کمپنی الاسکا ایئرلائنز کا کہنا ہے کہ اس کا ایک طیارہ مقامی وقت کے مطابق دن دو بجے اوریگون ریاست کے پورٹ لینڈ شہر کی طرف پرواز کے لیے تیار تھا کہ طیارے کے پائلٹ کو لگا کہ کوئی شخص تیزی کے ساتھ جہاز کی طرف بڑھا۔ پائلٹ نے کنٹرول ٹاور کے حکام کو مطلع کیا۔ کنٹرول ٹاور نے فور طورپر طیارے کی طرف سیکیورٹی بھیجی۔ ایک پولیس افسر نے دیکھا کہ باہر سے چھلانگ لگا کراندر آنے والا شخص طیارے کے بازو پر چل رہا ہے۔ قریب جانے کی کوشش پر اس نے چھلانگ لگا دی مگر پھسل کر گر پڑا اور زخمی ہو گیا۔

مقبول خبریں اہم خبریں