سعودی عرب کی جسمانی طور پر جڑی یمنی بچیوں‌ کے علاج کی یقین دہانی

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب کے بین الاقوامی سطح پر انسانی امدادی سرگرمیوں میں کام کرنے والے ادارے شاہ سلمان ریلیف مرکز کی طرف سے یمن کے ایک اسپتال میں داخل جسمانی طور پر آپس میں جڑی دو بچیوں کے علاج میں ہر ممکن تعاون کا یقین دلایا گیا ہے۔

العربیہ ڈاٹ کے مطابق یمن کے دارالحکومت صنعا کے السبعین اسپتال میں داخل بچیوں کے اہل خانہ کی طرف سے شاہ سلمان ریلیف سینٹر سے بچیوں کے علاج میں معاونت کی اپیل کی تھی جس کے بعد شاہ سلمان ریلیف مرکز نے سعودی عرب میں ماہر معالجین اور ڈاکٹروں سے مشورہ کرنے اور بچیوں کے علاج کے لیے ہر ممکن مدد فراہم کرنے کا اعلان کیا ہے۔

یمن میں جسمانی طور پر جڑی بچیوں کے علاج میں معاونت سعودی عرب کی یمنی قوم کی مشکلات کم کرنے کوششوں کا حصہ ہے۔ یہ اقدام سعودی حکومت کی طرف سے یمن کے تمام علاقوں اور طبقات کے لوگوں کی بلا تفریق مدد اور ان کی مشکلات کم کرنے کی مساعی کا حصہ ہے۔

مقبول خبریں اہم خبریں