یمن میں حوثی ملیشیا کی جانب سے اپنے زیر قبضہ علاقوں میں مختلف نوعیت کی خلاف ورزیوں اور کارستانیوں کا سلسلہ جاری ہے۔ ان میں ملک کے سماجی ڈھانچے پر کاری ضرب لگانا اور متعدد سیکٹروں کو "حوثیانے" کا عمل شامل ہے۔ یہ بات یمنی وزیر اطلاعات معمر الاریانی نے جمعرات کے روز ایک بار پھر دہرائی ہے۔
اپنی سلسلہ وار ٹویٹس میں الاریانی نے باور کرایا کہ حوثی ملیشیا آبادیاتی ، سیاسی اور سماجی سطح پر تناسب میں تبدیلیاں لا کر یمن کو "حوثیانے" کی کوششوں میں مصروف ہے۔ یہ پیش رفت یمنی عوام کی جانب سے حوثیوں کے فرقہ وارانہ منصوبے کو مسترد کر دینے ، ملک پر کنٹرول میں ناکام ہو جانے اور ہتھیاروں اور دہشت گردی کے زور پر لوگوں کو اپنے سامنے جھکانے میں ناکام رہنے کے بعد سامنے آ رہی ہے۔ یہ تمام کارستانیاں ایرانیوں کی منصوبہ بندی اور سپورٹ سے عمل میں آ رہی ہیں۔
اسی طرح یمنی وزیر نے بعض وڈیو کلپس جاری کیے ہیں جن میں دیکھا جا سکتا ہے کہ حوثی ملیشیا کس طرح سے اسکولوں اور جامعات میں شدت پسندی پر مبنی اپنے افکار کو داخل کر رہی ہے۔
٢-هذا المخطط يؤكد مضي مليشيا الحوثي في فرض مشروعها الانقلابي ومحاولة كسب الوقت لاستكمال بناء جيش عقائدي مرجعيته طهران، وبناء حزام طائفي حول العاصمة صنعاء، والتغلغل في الدولة والمجتمع، والترويج لفكرها الارهابي وطقوسها المذهبية المستوردة من ايران#صوت_واحد_الحوثي_جماعه_ارهابيه pic.twitter.com/FPlbKzQW0r
— معمر الإرياني (@ERYANIM) December 23, 2020
یمنی وزیر اطلاعات کے نزدیک یہ کوشش حوثی ملیشیا کی جانب سے انقلابی منصوبہ مسلط کرنے کا حصہ اور وقت حاصل کرنے کی کوشش ہے تا کہ ایسی نظریاتی فوج تیار کی جا سکے جس کا مرجع تہران ہو۔ ساتھ ہی حوثی ملیشیا دارالحکومت صنعاء کے گرد ایک فرقہ وارانہ بیلٹ بنانا چاہتی ہے اور ریاست اور سماج میں سرائیت کرنا چاہتی ہے تا کہ ایران سے درآمد شدہ دہشت گرد سوچ کو پھیلایا جا سکے۔
الاریانی کے مطابق ضرورت اس بات کی ہے کہ ایرانی منصوبے اور اس کے حوثی آلہ کار کا راستہ روکنے کے لیے جاری معرکے میں قومی کوششوں کو متحد کیا جائے اور عالمی برادری کی خاموشی کے بیچ یمن کی شناخت کا دفاع کیا جائے۔
واضح رہے کہ متعدد رپورٹوں میں یہ بات سامنے آ چکی ہے کہ حوثی ملیشیا نے صنعاء یونیورسٹی میں متعدد کلیات کے نام اپنے ہلاک ہونے والے ارکان کے ناموں پر رکھ دیے۔ اسی طرح مقامی ذرائع ابلاغ نے باخبر ذرائع کے حوالے سے بتایا ہے کہ حوثیوں نے متعدد تعلیمی نصابوں بالخصوص دارالحکومت میں مقررہ نصاب کو بدل ڈالنے پر کمر کس لی ہے۔ اس کا مقصد اپنے افکار اور سوچ کو سماجی نظام میں پیوست کرنا ہے۔
-
یمن : حوثی ملیشیا نے جڑے ہوئے بچوں کو علاج کے لیے بیرون ملک سفر سے روک دیا
یمن میں عالمی ادارہ صحت (ڈبلیو ایچ او) کے دفتر نے حوثی ملیشیا کے زیر انتظام میڈیا میں زیرِ گردش اس خبر کی تردید کی ہے جس میں کہا جا رہا ہے کہ ڈبلیو ... مشرق وسطی -
یمن: حوثی ملیشیا پر صنعاء کی سنٹرل سکیورٹی جیل میں قیدیوں پر تشدد کا الزام
یمن میں ایران کی حمایت یافتہ حوثی ملیشیا کے امورِ جیل خانہ جات کے انچارج عہدے دار پر صنعاء کی سنٹرل سکیورٹی جیل میں قیدیوں کو تشدد کا نشانہ بنانے کا ... بين الاقوامى -
عرب اتحاد کا حوثی ایران پر باب المندب میں حوثیوں کی دہشت گردی میں معاونت کا الزام
یمن کی آئینی حکومت کے معاون عرب اتحاد نے کہا ہے کہ اتحادی فوج نے جنوبی بحر احمر میں ایک باردوی سرنگ قبضے میں لینے کے بعد ناکارہ بنائی گئی ہے جو ایرانی ... بين الاقوامى