.

برطانیہ کا 'داعش' کے ڈرون سسٹم کو معطل کرنے کے لیے سائبر پروگرام

پہلی اشاعت: آخری اپ ڈیٹ:

ایک سینیر برطانوی سیکیورٹی عہدیدار نے داعش کے ڈرون طیاروں کو ناکام بنانے کے ایک خفیہ مشن کا انکشاف کیا ہے۔

'گورنمنٹ کمیونیکیشن آفس'یا 'جی سی ایچ کیو' کا مقصد دولت اسلامیہ 'داعش' کے ڈرون طیاروں کو سائبر سسٹم کے ذریعے ناکارہ بنانا ہے۔ یہ سائبر پروگرام شدت پسند تنظیم کے زیر استعمال ڈرون طیاروں کو جام اور مفلوج کر سکتا ہے۔ اس سائبر پروگرام سے عسکریت پسندوں کے سائبر سیکیورٹی سسٹم بھی معطل کیا جا سکے گا۔

اخبار 'ٹائمز' کی ایک خبر میں کہا گیا ہے کہ بیورو کے ڈائریکٹر جنرل جیریمی فلیمنگ نے برطانوی ریڈیو کے ایک پروگرام میں بات کرتے ہوئے کہا کہ نہوں‌ نے اس سائبر سسٹم کا شام میں عسکریت پسندوں کے خلاف استعمال کیا ہے۔

فلیمنگ نے کہا کہ ہم نے ڈرون ٹیکنالوجیز کے ان کے استعمال میں رکاوٹ پیدا کرنے کے لیے کچھ ابتدائی تکنیکوں کو استعمال کیا ہے جو ہمارے لیے پریشانی کا سبب بن رہے تھے۔ ہم انٹرنیٹ ٹیکنالوجی کا استعمال کر کے ان کے آپریٹنگ سسٹم پر اثر انداز ہو سکتے ہیں۔

رپورٹ کے مطابق اسٹریٹجک کمانڈ کے سربراہ جنرل پیٹرک سینڈرز کہا کہ ہم نے شام میں داعشی جنگجوئوں کے موبائل فون اور ان کے کمپیوٹر سسٹم کو بھی سائبر پروگرام سے متاثر کیا جس کے بعد جنگجوئوں کو یقین نہیں ہوتا تھا کہ انہیں جو احکامات دیے جا رہے ہیں وہ حقیقی ہیں یا ان کا سسٹم ہیک کیا گیا ہے۔