عرب اتحاد نے ایران کے حمایت یافتہ یمنی حوثیوں کا سعودی عرب کے شہر خمیس مشیط کی جانب چھوڑا گیا بارود سے لدا ایک اور ڈرون تباہ کردیا ہے۔
عرب اتحاد نے جمعرات کو ایک بیان میں کہا ہے کہ ’’حوثی دہشت گردوں نے شہریوں اورشہری اہداف کو نشانہ بنانے کا سلسلہ جاری رکھا ہوا ہے۔شہریوں اور شہری اہداف پرجان بوجھ کرحملے کیے جارہے ہیں اور یہ جنگی جرائم کے زمرے میں آتے ہیں۔‘‘
بیان کے مطابق ’’عرب اتحاد شہریوں اورشہری اہداف کے تحفظ کے لیے بین الاقوامی انسانی قانون کے مطابق آپریشنل اقدامات کررہا ہے۔‘‘
قبل ازیں بدھ کو عرب اتحاد نےحوثیوں کے ایک اور ڈرون کو تباہ کردیا تھا۔یہ ڈرون بھی خمیس مشیط کی جانب چھوڑا گیا تھا۔
