مصر: بیکری پر قطار میں‌ کھڑے شخص نے تاخیر پر مالک کو آگ لگا دی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصر کی شمال مغربی گورنری کے السنطہ مرکز میں شنراق کے مقام پر ایک شخص نے بیکری سے اپنی باری پر سامان لینے کے دوران قطار میں کھڑے شخص نے بیکری کے مالک کو آگ لگا دی جس کے نتیجے میں اس کے ہاتھ اور چہرہ جھلس گئے۔

پولیس نے ملزم کو گرفتار کر کے اس کے خلاف کارروائی شروع کر دی ہے جب کہ جھلسنے والے شخص کو ایک مقامی اسپتال منتقل کیا گیا ہے۔

اس واقعے کی ایک ویڈیو فوٹیج بھی سوشل میڈیا پر وائرل ہوئی جس میں قطار میں کھڑے شخص اور بیکری کے مالک کو کسی بات پر ایک دوسرے سے الجھتے دیکھا جا سکتا ہے۔ اس دوران لائن میں کھڑے شخص نے بیکری کے مالک کو آگ لگا دی۔

سڑک کے بیچ پیش آنے والے واقعے کو راہ گیروں نے بھی دیکھا اور وہ اس پر حیران رہ گئے کہ قطار میں کھڑا شخص اپنی باری آنے کے انتظار کے بجائے بیکری کے مالک پر کیسے حملہ کر بیٹھا۔ سوشل میڈیا پر ویڈیو کے وائرل ہونے کے بعد اس پر گہرے افسوس کا اظہار کیا جا رہا ہے۔

مقبول خبریں اہم خبریں

مقبول خبریں