ملکہ الیزبتھ برطانیہ میں سائنس ویک کے تحت ایک ورچوئل سائنس فئیر میں شرکت کر رہی ہیں۔
برطانیہ کی ملکہ الزبتھ اپنے پوتے شہزادہ ہیری اور ان کی اہلیہ میگن میرکل کے متنازع انٹرویو کے بعد پہلی مرتبہ اعلانیہ طور پر سامنے آئی ہیں۔ مذکورہ انٹریو نے شاہی خاندان کے در و دیوار میں طوفان برپا کر دیا تھا۔
گذشتہ اتوار کے روز امریکی خاتون میزبان اوپرا وینفری کے شو میں انٹرویو دیتے ہوئے میگن میرکل نے انکشاف کیا تھا کہ برطانوی شاہی خاندان کے ایک فرد نے ان کے اور ہیری کے بیٹے آرچی سے متعلق نسل پرستی پر مبنی تبصرہ کیا تھا۔ ادھر ہیری نے اپنی بیگم کے ساتھ برتاؤ کے طریقہ کار پر شاہی خاندان کو نکتہ چینی کا نشانہ بنایا۔
شہزادہ ہیری اور میگھن کے اوپرا ونفرے کے ساتھ انٹرویو کی تصویر۔
بکنگھم پیلس کی جانب سے منگل کے روز ملکہ الزبتھ کے نام پر ایک بیان جاری کیا گیا۔ بیان میں کہا گیا کہ شاہی خاندان کے افراد کو اس بات کے معلوم ہونے پر رنج اور افسوس ہوا کہ گذشتہ چند برسوں کے دوران شہزادہ ہیری اور ان کی اہلیہ میگن کے ساتھ کیا واقعات پیش آئے۔
ملکہ الزبتھ نے برطانیہ میں "سائنس وِیک" کے موقع پر سائنس دانوں اور اسکول ک بچوں کے ساتھ ایک وڈیو کے ذریعے بات چیت کی۔ اس دوران میں ملکہ نے ہیری اور میگن کے انٹرویو پر کوئی بات نہیں کی۔ اس کے بجائے ملکہ نے امریکی خلائی ایجنسی "ناسا" کی جانب سے مریخ کی سطح پر بھیجے جانے والے مشن پر روشنی ڈالی۔ اسی طرح انہوں نے برطانیہ کے مغرب میں گلووسٹر شائر میں اترنے والے ایک ناد شہاب ثاقب کے حوالے سے بھی بات چیت کی۔ یہ 30 برس کے بعد برطانیہ میں سامنے آنے والا پہلا شہاب ثاقب ہے۔
ملکہ برطانیہ سائنس ویک کے تحت منعقدہ ورچوئل فئیر میں شرکت کر رہی ہیں۔
ملکہ الزبتھ نے امریکی خلائی ایجنسی "ناسا" کی جانب سے مریخ کی سطح پر بھیجے جانے والے مشن پر روشنی ڈالی۔
